Энэ сарын 14-16-ны өдөр Энэтхэгийн Ерөнхий сайд Моди Хятадад албан ёсны айлчлал хийнэ.  Энэтхэгийн Ерөнхий сайд анх удаа БНХАУ-д айлчилж байгаа бөгөөд  Си Зиньпин дарга түрүү жилийн 9 дүгээр сард Энэтхэг улсад  айлчлал хийсэн юм.

Айлчлалын үеэр БНХАУ-ын дарга Си  Зиньпин, Ерөнхий сайд  Ли Көцян,  БХАТИХ-ын дарга Жан Дө Зянь нартай  уулзаж талуудын харилцаа болон хамтын ашиг сонирхол бүхий асуудлаар ярилцан,  санал бодлоо солилцох юм. Ерөнхий сайд Моди Си Ань болон Шанхай хотоор  зочлох аж. 

 Хятадын  Гадаад яамны хэвлэлийн төлөөлөгч “ Хятад, Энэтхэг улс  хөгжиж буй хамгийн том орон, чухал  эдийн засаг.  Сүүлийн жилүүдэд  хоёр улсын харилцаа  эрүүл тогвтортой хөгжиж,  хамтран хожсон хамтын ажиллагааг хөгжүүлэхийг талууд анхаарч, маргаан бүхий асуудлыг амжилттай шийдвэрлэхийг эрмэлзэж байна. Өнгөрсөн оны 9 дүгээр сард Си Зиньпин дарга Энэтхэгт айлчлах үеэр 2 орны төр засгийн тэргүүнүүд  ирэх 5-10 жилд  хоёр улсын харилцааг стратегийн түншлэлийн харилцаанд хүргэхээр төлөвлөжээ. Энэ удаагийн айлчлалаар 2 орны харилцаа  стратегийн харилцан итгэлцэлд хүрч,  бодит  хамтын ажиллагаа, хүмүүнлэгийн солилцоог гүнзгийрүүлэн олон улсын  болон бүс нутгийн асуудлаар харилцан ойлголцлоо нэмэгдүүлэн,  энхтайванч хөгжин цэцэглэсэн   стратегийн түншлэлийн харилцааг   шинэ түвшинд  гарган  хөгжил дэвшлийн  төлөө хамтран ажиллах болно  гэдэгт итгэж байна" хэмээн  мэдээлжээ.