ОХУ-д ажлын айлчлал хийж байгаа Монгол Улсын Ерөнхийлөгч Ц.Элбэгдорж өнөөдөр Москвагийн Улаан талбайд болж байгаа Ялалтын парадыг хүндэт зочдын суудлаас үзлээ. Уг жагсаалыг дэлхийн 30 гаруй орны төр, засгийн тэргүүн үзэж сонирхож байгаа юм.

ОХУ-ын Ерөнхийлөгч В.Путин Ялалтын жагсаалыг нээж хэлсэн үгэндээ Монгол Улс дайны туршид Зөвлөлт улсад өмөг түшиг болон тусалж дэмжиж байсныг онцлон тэмдэглэлээ. Монголын дайчид өнөөдөр Мосвад болж буй Ялалтын баярын жагсаалд оролцож, анх удаа Улаан талбайд алхан Монгол цэргийн сүр хүчийг дэлхийн олон орны удирдагчдын өмнө харуулж байгаа юм.

Ялалтын жагсаалыг үзэж сонирхсоноор Монгол Улсын Ерөнхийлөгч Ц.Элбэгдоржийн ОХУ-д хийж байгаа ажлын айлчлал өндөрлөх юм.

Г.Үжин