“Монголын ард түмэн: Бүхнийг фронтод, бүгдийг ялалтын төлөө” баримт, гэрэл зургийн цомгийн номыг аугаа их Ялалтын 70 жилийн ойн баярт зориулан гаргалаа.

Аугаа эх орны дайны үед гадаадаас ЗХУ-д өгч байсан нийт тусламжийн гуравны нэг нь Монголын нутгаас очиж, Монголын ард түмний хүч хөдөлмөр, элгэмсэг сэтгэлээр бүтсэн түүхийг ШУА-ийн Түүх, археологийн хүрээлэнгийн захирал, доктор, профессор С.Чулуунаар ахлуулсан түүхчид баг болон богино хугацаанд ажиллаж, Ялалтын баярын өмнөхөн ном болгон баринтаглажээ.

Монгол, орос, англи хэлнээ бичигдсэн энэ бүтээлийн дээжийг Ерөнхийлөгч Ц.Элбэгдорж Москва хотод болох Ялалтын баярын арга оролцохдоо ОХУ-ын Ерөнхийлөгч В.Путинд бэлэглэхээр номын нэрийг цалин цагаан мөнгөөр сийлүүлэн авч явсан байна.

Номын өмнөтгөлд Монгол Улсын Ерөнхийлөгч Ц.Элбэгдорж “Манай хоёр орны аугаа их Халхын голын дайны ялалтаар гагнагдсан Монгол, Зөвлөлтийн ард түмний дайчин нөхөрлөл Аугаа эх орны дайны хүнд бэрх жилүүдэд болон 1945 оны Чөлөөлөх дайны үхэлтэй өрссөн өдрүүдэд улам бэхжин баяжсан юм хэмээн онцолжээ.

www.24tsag.mn