Өчигдөр Ерөнхий сайд Ч.Сайханбилэг аймаг, орон нутгийн удирдлагуудтай цахим хурал хийлээ. Тэрбээр энэ үеэр өвөлжилтийн бэлтгэл хангахтай холбогдуулан зарим үүрэг, чиглэлийг өгөв. Энэ жил нийт нутгийн 50 шахам хувь нь гантай байгааг мэргэжлийн байгууллагаас мэдээллээд байгаа. Улирлын төлөв байдлаас харахад агаарын температур өмнөх жилүүдээс 1-2.5 хэмээр илүү байгаа бөгөөд хур тунадас багатай байгаа юм. Өвөлжилтийн бэлтгэл хангах талаар гаргасан тогтоолуудыг хэрэгжүүлэх ажлыг орон нутагт сайтар зохион байгуулж, хэрэгжүүлэх арга хэмжээ авахыг аймгийн засаг дарга нарт Ерөнхий сайд үүрэг болголоо.
Энэ жилийн хувьд 36 сумдын наадам энэ сард тохиож байгаа. Тэгвэл ирэх сарын 1-ээс хойш наадам, ой тэмдэглэхгүй гэдгийг онцгойлон анхааруулж өвс, хадлан бэлдэх ажлыг эртнээс төлөвлөгөөндөө тусган ажиллахыг аймгийн Засаг дарга нарт даалгалаа.
О.Сувд-Эрдэнэ
Сэтгэгдэл (7)