Төсвийн байнгын хорооны өнөөдрийн хуралдаанаар ээлжит бус чуулганы хуралдаанаар хэлэлцэх асуудлын дараалалд ороогүй векселиэр санхүүжүүлэх төсөл, арга хэмжээнүүдийн санхүүжилтийн асуудлаар ажлын хэсэг байгуулах байнгын хорооны тогтоол гаргасан. 

Ингэснээр УИХ-ын гишүүн, Төсвийн байнгын хорооны дарга Б.Болор Монгол Улсын Их Хурлын тухай хуулийг зөрчсөн харагдаж байгаа юм.

Учир нь уг хуулийн 16.5-д “Ээлжит бус чуулганаар зөвхөн Улсын Их Хурлын даргын захирамжид заасан болон түүнтэй шууд холбоотой асуудлыг хэлэлцэнэ” хэмээн заасан байдаг.

Тиймээс Б.Болорыг УИХ-ын гишүүнээс огцруулах цаашлаад УИХ-ын гишүүний эрхийг нь түдгэлзүүлэхээр Б.Цогтгэрэл нарын иргэд Үндсэн хуулийн цэцэд хандсан байна.