Дэлхийн нэр хүнд бүхий томоохон сэтгүүлийн нэг Америкийн “TIME” сэтгүүлээс Англи хэл дээрх “Бүх цаг үеийн шилдэг 100 дуу”-ны жагсаалтыг 1923 оноос хойш буюу үүсгэн байгуулагдсан цагаасаа эхлэн уламжлал болгон гаргасаар ирсэн түүхтэй билээ.
    Дэлхийн нэр хүнд бүхий томоохон сэтгүүлийн нэг Америкийн “TIME” сэтгүүлээс Англи хэл дээрх “Бүх цаг үеийн шилдэг 100 дуу”-ны жагсаалтыг 1923 оноос хойш буюу үүсгэн байгуулагдсан цагаасаа эхлэн уламжлал болгон гаргасаар ирсэн түүхтэй билээ.

Ингээд 10 жилийн шатлалаар үечлэн гаргасан дэлхийд хүндтэй тус сэтгүүлийн энэхүү жагсаалтаас онцлон дараах 10 уран бүтээлийг  байна.

1. Queen - “Bohemian Rhapsody”
Английн алдарт “Queen” хамтлагийн 1975 оны цомогт орж байсан энэхүү бүтээл нь дэлхийн дуу хөгжмийн түүхэн дэх тухайн цаг үеийнхээ хамгийн үнэтэй сингл бүтээлээр нэрлэгдэж байсан бөгөөд тус хамтлагийн нэрийн хуудас болсон цөөнгүй гайхалтай дуунуудын нэг юм.

2. Bee Gees - “Staying Alive”
Цөөнгүй орны чартуудыг нэгэн үе тэргүүлж байсан сэтгэлд хоногшиж, дурсамжийг сэргээсэн ээлжит нэгэн бүтээл тус жагсаалтад орсон нь 1977 оны “Saturday Night Fever” киноны дуу болж гарсан дээрх бүтээл юм.

3. The Beatles - “I Want to Hold Your Hand”
Английн дөрвөл “The Beatles” хамтлагийн дуунууд дэлхийн дуу хөгжмийн түүхэн дэх оюун сэтгэлийн гайхалтай хөг аялгуугаар эгшиглэх цөөнгүй бүтээлүүдийн нэг билээ. Энэхүү дуу нь тэдний 1963 онд гаргасан синглд орж байжээ.

4. The Supremes - “Where Did Our Love Go”
Уянгалаг цээлхэн хоолойтой гурван бүсгүйгээс бүрдэл болсон 1960-аад оны Америкийн “The Supremes” хамтлагийн хит уран бүтээл “Where Did Our Love Go” дуу нь “TIME” сэтгүүлийн Англи хэл дээрх бүх цаг үеийн шилдэг 100 уран бүтээлийн нэгээр нэрлэгджээ. 1964 оны энэ дууг өдгөө Declan-аас эхлээд маш олон уран бүтээлчид өөр өөрийн хувилбараар амилуулсан байдаг.

5. Missy Elliott - “Get Ur Freak On”
Америкийн реппэр, дуучин, жүжигчин Мисси Эллиотын энэтхэг аялгуугаар хөглөгдсөн энэхүү дуу нь түүний 2001 оны томоохон хитүүдийн нэг юм. Тэрээр энэ жил бие даасан 7 дахь шинэ цомгоо гаргахаар ажиллаж байгаа ба тус цомог дээрээ 2007 оноос хойш ажиллаж байгаа ажээ.

6. 2 Pac - “California Love (Remix)” (ft. Dr.Dre)
Хөгжмийн ертөнцдөө эргэн ирж бүтээсэн “California Love” дуу нь түүний хамгийн шилдэг бүтээлүүдийн нэгт ордог. Хэдийгээр 25-хан насандаа хорвоогийн мөнх бусыг үзүүлсэн ч тэрээр Америкаас гаралтай чадварлаг реппэр төдийгүй дэлхийн хип хоп урлагийн түүхэн дэх гайхалтай үлгэр жишээ уран бүтээлч билээ.

7. Nirvana - “Smells Like Teen Spirit”
Санаанд багтамгүй бахдам амжилтыг тэдэнд авчирсан гэгддэг “Smells Like Teen Spirit” дуу нь тэдний 1991 онд гаргаж байсан “Nevermind” цомогт оржээ. Бүх цаг үеийн дэлхийн шилдэг дуунуудад ордог энэхүү дуу нь Америкаас гадна дэлхийн олон оронд хит бүтээл юм.

8. Michael Jackson - “Billie Jean”
Сэтгэлээс гарсан аялгуу бүр нь хэн бүрийн сэтгэлийн нандин утсыг хөндөж чаддаг гайхалтай дуучин “Попын хаан”-ы энэхүү бүтээл мөн  “TIME” сэтгүүлийн Англи хэл дээрх бүх цаг үеийн шилдэг 100 уран бүтээлийн нэгээр нэрлэгджээ.

9. Beyonce - “Single Ladies”
2012 оны “Гоо бүсгүй”, “Хөгжмийн ертөнцийн нөлөө бүхий 100 хүний нэг” гээд тэрээр энэ жил хувийн амьдралын ч уран бүтээлийн ч хувьд амжилт арвин яваа гайхалтай дуучин юм. Тус дуу нь бүх цаг үеийн шилдэг 100 дууны жагсаалтад 2000-аад оны шилдэг бүтээлээр нэрлэгджээ.

10. Lady Gaga - “Bad Romance”
“TIME” сэтгүүлээс түүнийг 2012 оны нөлөө бүхий хүмүүсийн жагсаалтад нэрлээд зогсохгүй түүний “The Fame Monster” цомгийн “Bad Romance” дууг бүх цаг үеийн дэлхийн шилдэг дуугаар тодруулжээ.