БАРИМТ 1
Монгол Улсын 2026 оны төсвийн тухай хуулийн төсөлд хүүхдийн боловсрол, эрүүл мэндэд анхаарах чиглэлийг түлхүү баримталсан, хүний хөгжлийг тэргүүлэх чиглэлээ болгосон.
БАРИМТ 2
НӨАТ-ын 1 сая хүртэлх худалдан авалтын сарын буцаан олголтыг 5 хувьд бууруулсан. Энэ хэмжээгээрээ хүүхдийн шим тэжээл, хоол хүнсний худалдан авалтын чиглэлээр зарцуулж байгаа буцаан олголт нэмэгдэнэ гэж төлөвлөж байна.
БАРИМТ 3
Хүүхдийн төлөө Үндэсний зөвлөл нийгэмд манлайлал гарган ажиллаж чадвал бусад иргэний нийгэм төрийн болон ТББ-ууд үр дүнтэй ажиллах боломж бүрдэнэ гэж харж байна.
БАРИМТ 4
Зөвлөл нь дөрвөн яамны сайд, бүх яамны ТНБД болон төрийн бусад байгууллагын удирдах албан тушаалтнууд, ТББ-уудын төлөөлөл гэсэн өргөн бүрэлдэхүүнтэй учраас гаргах бодлого, шийдвэр далайцтай байх хэрэгтэй.
БАРИМТ 5
Монгол төрийн цөм бодлогоо хүүхдийн төлөө чиглүүлж ажиллах шаардлагатай.
БАРИМТ 6
Хүүхдийн төлөө гэж чанга дуугарах нь чухал биш, олон хүн ажиллах нь ч чухал биш. Бодит ажлууд л чанга дуугарах ёстой. Одоо хэрэгжүүлж байгаа төсөл хөтөлбөр, ажил хангалтгүй байна.
БАРИМТ 7
Хүчирхийллийг бууруулахад дэмжлэг үзүүлэхээр Засгийн газрын хэмжээнд Хүчирхийллийг бууруулах Үндэсний хороо байгуулагдсан. Хүүхдийн аюулгүй орчинд амьдрах эрхийг хангахын тулд гэр бүлийг соён гэгээрүүлэх шаардлагатай.
БАРИМТ 8
Хүүхдийн эрүүл мэнд, тэр дундаа хөгжлийн бэрхшээлтэй хүүхдийн эрхийн зөрчлийг арилгах, хүүхэд бүр эрх тэгш хөгжих боломжийг бүрдүүлэх шаардлагатай. Өнөөдрийн хуралдаанаар таван үндсэн чиглэлээр гурван талт механизм байгуулах санаачлагыг дэвшүүлж байгаа.
БАРИМТ 9
Найрамдал зуслангийн засвар шинэчлэл зэрэг хоёр саналыг хуралдаанаар авч хэлэлцэх санал ирсэн. Үүнийг би хангалтгүй гэж үзсэн. Хүүхдийн уушгины эмнэлэг байгуулах зэрэг асуудлыг төр, хувийн хэвшил, UNICEF гурван талт хамтын ажиллагааг хөгжүүлж дараах асуудлыг шийдвэрлэх нь зүйтэй. Хамтарсан санхүүжилтийн хэлбэрээр явбал илүү үр дүнтэй.
БАРИМТ 10
Хувийн хэвшил бол төрийн зарим худалдан авалтаас бараг 2 дахин үр ашигтай, хурдан хугацаанд барилга байгууламж барих чадамжтай байна.
БАРИМТ 11
Хүүхдийн эрүүл мэнд, шим тэжээл, хөгжлийн асуудал- Нэг суманд нэг шүдний эмнэлгийн тоног төхөөрөмж буюу төсөл, сургуулийн хүүхдүүдийн хоол, шим тэжээлийг сайжруулах зэрэг багц 10 асуудал байгаа.
БАРИМТ 12
Сургуулийн доторх агаарын чанар маш муу байна. Уушгины хорт хавдар үүсгэгчийн хэмжээ 5 дахин өндөр байна гэсэн UNICEF-н судалгаа байна. Сургууль, цэцэрлэгийн барилгуудад чанар стандартын хяналт шалгалт, мэргэжлийн хяналт шалгалт алдагдсанаас болж будаг, цемент, барилгын материал нь хүүхдийн мэндэд сөрөг нөлөөтэй байна. Үүнийг шийдэхийн тулд агааржуулалтын асуудлыг шийдвэрлэх төсөл хэрэгжүүлэх шаардлагатай гэж үзэж байгаа.
БАРИМТ 13
Цахим сургалт, хиймэл оюун ухаан, смарт анги танхим, багш нарыг нөүтбүүк болон таблетаар хангах, англи хэлний сургалтын төслүүдийг UNICEF-тай хамтарч, хувийн хэвшлүүдийг татан оролцуулж хэрэгжүүлнэ.
БАРИМТ 14
Хөгжлийн бэрхшээлтэй хүүхдүүдийн оношилгоо эмчилгээний төв, ЭХЭМҮТ дээр нэг бүрчлэн оношлох аппараттай болох зэрэг ажлыг хэрэгжүүлнэ.
БАРИМТ 15
Улаанбаатарт уурын зуухаар халж байгаа 51 сургууль байгааг өөрчлөх төсөл хэрэгжүүлнэ. Сүүний стандартыг тогтоохын тулд орон нутгийн сүүний үйлдвэрлэлийг дэмжих, агаарын бохирдлыг бууруулах, сургууль доторх агаарын чанарыг нийлүүлэх зэрэг төслийг хэрэгжүүлье.
Сэтгэгдэл (10)