БАРИМТ 1
1989 онд Дорнод аймгийн Чойбалсан хотод төрсөн.
БАРИМТ 2
18 жил нутагтаа аж төрсөн тэрбээр Улаанбаатар хотод 2007 онд ирээд Кино урлагийн дээд сургуульд суралцаж 2011 онд төгссөн аж.
БАРИМТ 3
Түүнийг гуравдугаар ангид байхад нь дуу хөгжмийн багш нь дагуулж яваад өөр сургуулийн үйл ажиллагаан дээр дуулжээ. Тоглолт дууссаны багш нь түүнд 500₮ өгсөн нь түүний амьдралдаа авч байсан анхны цалин байж. Баярласан Баярцэнгэл хүү гэр лүүгээ гүйж, “Аав аа, би цалин авсан” гэсээр гэртээ аахилсан юм оржээ. Аав нь тэр мөнгийг билэгшээгээд бурхныхаа өмнө тавьсан гэдэг. Тэр цагаас тэр урлагийн амтанд орсон.
БАРИМТ 4
Тэр арван жилдээ морин хуур тоглож, дуулдаг хүү байсан. Хичээлдээ их муу байсан учир дуу дуулаад л дүнгээ гаргуулчихдаг байсан гэнэ.
БАРИМТ 5
Тэр мөн дөрвөн хүний бүрэлдэхүүнтэй “Чөлөөт цаг” гэдэг хамтлагтай байлаа. Уг хамтлаг 20 орчим дуутай. “For you” гэдэг дуугаа анх хамтлагаараа дуулж байсан ажээ. Тухайн үед уг дүү “Нүд” нэртэй байсан.
БАРИМТ 6
Тэр ахтайгаа усны дусал шиг адилхан. Түүний ахыг П.Отгонцэнгэл гэдэг. Тэр дүүгийнхээ ихэнх дууг зохиож өгсөн ачтан. Одоог хүртэл бид уран бүтээлээ хамтдаа хийж байгаа гэнэ шүү.
БАРИМТ 7
Тэрбээр айлын бага. Айлаас тавуулаа. Хоёр ах, хоёр эгчтэй.
БАРИМТ 8
Айлын бага хүү байсан ч гэсэн тэр эрх хүүхэд байгаагүй гэнэ. Мод хагалж, ус зөөдөг ажилсан хүү байжээ.
БАРИМТ 9
П.Баярцэнгэлийн аав, ээж нь мундаг дуулдаг хүмүүс ажээ. Хуучин “Сүхбаатарын соёлын ордон” гэж байдаг байхад аав нь тэнд дуулдаг байсан. Сүүлд багш болоод л дуулахаа больсон гэнэ. Тэгэхээр түүний амьдралын дурсамжид дуу хуургүй үе байгаагүй хэрэг. Мэдээ орсон цагаасаа л хойш дуу хууртай их ойр байсан аж.
БАРИМТ 10
2009-2010 онд “Universe best songs” наадамд оролцож "Ёодол" дуугаараа олон түмэнд танигдсан. Үүний учир хүмүүс түүнийг дуучин мэргэжилтэй гэж боддог.
БАРИМТ 11
Үнэн хэрэгтээ тэр Кино урлагийн дээд сургуулийг жүжигчин мэргэжлээр дүүргэж олон ч кинонд дүрээ мөнхөлсөн.
БАРИМТ 12
Тэрбээр хэвлэлд ярихдаа "Миний хамгийн анх ажилласан “Анчид” уран бүтээл сэтгэлээс гардаггүй. Улсын Драмын Эрдмийн Театрийн жүжигчин С.Болд-Эрдэнэ ахтай цуг тоглосон" хэмээжээ.
БАРИМТ 13
Тамхи татдаггүй. Найз нөхөдтэйгээ хааяа суухдаа 100 татчихдаг.
БАРИМТ 14
Тэрбээр эхнэртэйгээ арван жилдээ учирчээ. Энэ тухайгаа тэрбээр "Эхнэртэйгээ арван жилийн нэг анги гэж байгаа боловч, хамтдаа хичээлд суусан нь нэг л өдөр байсан юм билээ. Би хичээлдээ сууж байтал эхнэр минь шилжиж орж ирсэн. Тухайн өдрөө л нэг ангид хамтдаа суугаад маргааш нь би өөр сургууль руу шилжсэн. Солонгос кино шиг л... Тэгээд л нэгнээ мэддэг болсон. Дорнод жижиг аймаг учир энд тэнд их таарахаараа мэндлээд өнгөрдөг байлаа. Ингээд оюутан болсныхаа дараа хотод автобусанд ахиж таарсан. Түүнээс хойш хөөрхөн харилцаж байгаад л өнөөдрийг хүрсэн" хэмээн ярьжээ.
БАРИМТ 15
Тэрбээр 2019 онд "For you" тоглолтоо хийсэн нь түүний анхных байв. Одоо болох гэж байгаа "Хайр эзэнтэй" тоглолт нь түүний хоёр дахь тоглолт болох юм.
БАРИМТ 16
Тэрбээр Ардын жүжигчин С.Жавхлангийн тоглолтыг Дорнодоос аав, ээжийгээ авчраад, хамт үзэж байхдаа аавдаа “Хүү нь энэ төв цэнгэлдэхэд тоглоно оо. Их гоё тоглолт хийнэ ээ” гэж амласан гэдэг.
БАРИМТ 17
Тэрбээр 2012 оноос хойш уран бүтээлээ идэвхтэй хийж байгаа бөгөөд энэ хугацаанд 40 орчим дуу бүтээжээ.
БАРИМТ 18
Тэр шүршүүрт орохдоо ч дуу аялж явдаг нэгэн.
БАРИМТ 19
Тэр өөрийгөө болсон гэж боддоггүй. Үргэлж өөрийгөө хөгжиж яваа уран бүтээлч гэж боддог онцлогтой.
БАРИМТ 20
Тэрбээр Боловсрол суваг телевизээр албан ёсны эрхтэйгээр гаргадаг “Яг түүн шиг” шоуны нэгдүгээр улирлын шилдгийн шилдэг оролцогчоор тодорсон. Финалын тоглолтдоо алдарт дуучин “Bruna Mars”-ыг яг адилхан дууриаж, 20 сая төгрөгийн эзэн болсон юм.
Сэтгэгдэл (5)