УИХ-ын ээлжит бус чуулганы нэгдсэн хуралдаанаар 6 сайдыг огцруулах асуудлыг хэлэлцэж байна.

Хэлэлцэж байгаа асуудалтай холбогдуулан гишүүд асуулт тавьж, хариулт авч байгаа юм.  

-МАН-ын мэдэгдэлд Оюутолгойн гэрээнд гарын үсэг зурсан хууль бус үйлдлийг удахгүй дэлгэнэ гэнэ. Үүнд би баярлаж байна. Ерөнхий сайдыг огцруулъя гээд гарын үсэг цуглуулсан. Гэтэл МАН-ынхан гарын үсгээ харамласан. Нам бодлогоороо гарын үсэг зурахгүй гэж байсан.  Би С.Баярцогтыг огцруулахыг нэгдүгээр ээлжинд өргөн барина.  Төрийн албыг бусниулж, улс орны нэр төрийг гутааж, булайгаа дэлгэсэн. Ерөнхий сайд та өөрийн хүсэлтээр огцрох уу, заавал 19 гишүүний гарын үсэг зурах уу гэж асуухад “Цагийн юмыг цагт нь ярь. Ерөнхий сайдад хамааралтай зүйлийг асуух хэрэгтэй” хэмээн дараагийн гишүүнд асуулт тавих эрх шилжүүлэв. 

-АН багаа хууллаа. Та бүхэн дангаараа Засгийн эрх аваад явж чадахгүй, хамтраад ч явж чадахгүй, дотроо ч учраа олж чадахгүй байдалд байна. 

Та бүхний арга барил  хуурдаг, амладаг, хүч түрдэг арга барилтай байна. 6 сайд хэр ажилласан бэ,  Ерөнхий сайд аа? Нам нь шийдвэрлэсэн учир оруулж ирж байна гэж байна. Намын ажил, Засгийн асуудал тус тусдаа зүйл биш үү? Дараагийн 6 сайдыг томилох асуудлыг яагаад оруулж ирэхгүй байна. Зөрчил үүссэн үү?

-Гэрээний 5.3-т “Гэрээг зөрчвөл аль нэг тал нь цуцална. Би АН-ын даргын хувьд  дүгнэнэ. Анх гэрээ явуулахдаа ажил явуулна гэж орсон.

Хөшигийн хөндийн автозамыг зогсоосон. Өөр өчнөөн зүйл байна. Ажил хийж гэж бодоогүй. Төсөв, мөнгө нь бэлэн байсан. 

Хэдэн хамаатан саднаа ажилд авахаас өөр юу ч хийгээгүй.

-Ерөнхий сайдын хувьд улс төрийн шийдвэрийн дагуу оруулж ирж байна.

Засгийн газар кабинетаараа ажилласан.

Үүргээ хангалалтай биелүүлж явж байгаа. Намын асуудлыг парламентын танхимд ярих нь зохимжгүй зүйл.

Д.Ганхуяг: Засгийн газраас өргөн барьсан хуулийн 50 хувиас дээшийг нь Ардын нам эсэргүүцсэн байна.  Үүнийг яаж хамтарсан гэх юм. Н.Алтанхуягийн үед та нар ажил хийлгээгүй ш дээ.Чуулганы ихэнх хугацаанд сандал суудлын хэрүүл хийсэн шүү дээ.

С.Ганбаатар: Дубайн гэрээн дээр олон тэрбум долларын луйвар юу болов оо гэсэн бичиг явуулсан. Үүний хариуг хэзээ өгөх вэ. Өгвөл өгсөн юм шиг, авбал авсан юм шиг ажилдаа ормоор байна. Сайн сайд байгаа. Хөдөлмөрийн сайд Хөдөлмөр эрүүл ахуйн нэмэлт өөрчлөлт дээр олон жил яригдсан зүйлийг оруулсан.  Мөн ажилтны эрүүл мэнд амь насны давхар даатгал оруулж ирсэн.  Дарханы зам гэж там байна. Энэ зам хэзээ дуусах вэ. Мөн төмөр зам, авто замын асуудлаар Төмөрхүү сайдаас хариулт авмаар байна.

Зам тээврийн сайд Н.Төмөрхүү:  Энэ есөн сардаа багтаад Бичигт-Хөөтийн төмөр замын ажлыг эхлүүлэхээр болсон. Гашуунсухайт-Тавантолгойн төмөр замын ажил ирэх он гэхэд дуусна. Ирэх оноос энэ замаар нүүрсээ зөөгөөд эхэлнэ.  Хөөтөөс-Нөмрөг хүртэл ТЭЗҮ-г боловсруулж байгаа.  Нэг ялангуяа Завхан, Дорнод, Сүхбаатарын чиглэлийн замууд үргэжлээд явна. Хятадын хөрөнгө оруулалтаар Баянхонгорын Байдраг чиглэлийн автозамыг барина.

З.Энхболд: Н.Төмөрхүү сайд худлаа ярихгүй шүү. Гансүх байхдаа жилд дөрөв, таван аймгийг авто замаар холбоод байдаг. Гэтэл чи юу ч хийгээгүй ш тээ. Хэрүүл хийгээд яваад байдаг. Дархан дээр 500 гаруй сая төгрөг хуваарилагдсан. Бид нар төсөв мөнгөндөө тааруулаад явж байгаа. Бичигтийн замыг ТЭЗҮ-г шинээр боловсруулаад явж байгаа. Энэ есдүгээр сар гэхэд эхлүүлэхээр ажиллаж байна.

Ё.Отгонбаяр: Манай нам сөрөг хүчнээрээ үлдэх ёстой гэж үзэж байсан хүн л дээ. Нэг хэсгийгээ дарамталдаг, иргэдээ барьж хорьсон,ичих айхаа мэддэггүй байдал бий боллоо.  Цаашдаа эдийн засаг улам сайжирна гэж ойлгож болох уу. Таны засгийн газар АН,МАН гэж хоёр хөлтэй засгийн газар байсан. Өнөөдөр нэг хөлөө тайраад сууж байна. Энэ чинь улстөрийн тогтвортой байдал бий болгоно. Улс төрийн тогтворгүй байдал эдийн засгийн тогтворгүй байдал бий болно. Ерөнхий сайд аа, таны үг үг биш боллоо. Нэг гоё үг хэлээд ам руугаа алгадуулж байдаг. Таны шийдлийг шийдэл биш гэж үзэхэд хэцүү байна.  Та хэзээ болтол морь унасан толгойгүй хүн шиг явах вэ. Хөрөнгө оруулагчид зугатах процесс үргэжлээд байна шүү дээ. Хоёр том нам нийлсэн юм бол улс төр нь тогтвортой, бид хөрөнгө хийж болох нь гэж хөрөнгө оруулагчид хэлж байсан. Баяраа өөрөө уначихсан юм ш тээ гэгчээр та нар Тавантолгойг унагасан, өөр бусад хуулиудаа унгасан. Өөрсдөө халтирч уначихаад битгий ингэж ярьж бай.    УИХ-ын даргаа танд хандаж хэлэхэд, та настай хүнийг уймраа энэ тэр гэж хэлж болохгүй. Та есөн сарын өмнө манай бүлэг дээр юу гэж ярилаа. Та өөрөө л их уймраа хүн байна.

З.Энхболд: Чиний ярьж байгаа юм чинь таалагдахгүй байна.

Д.Хаянхярваа: Их хурал засгийн ажил руу давхиж ордог өвчин тусаад байна.  Тавантолгой, зам, барилгын асуудал гээд. Жишээлбэл, Отгонбаяр товч дурдаад өнгөрлөө. Ерөнхий сайдаа та,  чуулганы өмнө Тавантолгой, Оюутолгойг хөдөлгөнө.

Ноён улаа явуулна гээд үлгэр шиг юм ярьсан.  Тэгтэл сүүлд нь хэзээ ч зургаан сайдаа өргөн барихгүй гэсэн юу болов. Монгол Улсын Ерөнхий сайдын хувьд хэлсэн үгэндээ хариуцлагатасй ханддаг, хэлснээ хэрэгжүүлдэг байх ёстой.  Хий шоу хийдгээ, хийрхдэгээ боль.