АН суудлаасаа чөлөөлөгдсөн зургаан сайдын оронд хэнийг тавих вэ гэдэг тохироог хэлэлцсээр байна. Өмнө нь Э.Батшугар Шадар сайдаар, А.Бакей БОАЖНХ-ийн сайдаар, Б.Зоригт Барилга хот байгуулалтын сайдаар, Б.Гарамгайбаатар Сангийн сайдаар, Г. Баярсайхан Зам тээврийн сайдаар, Л.Эрдэнэчимэг Хөдөлмөрийн сайдаар сууна хэмээн яригдаж байсан юм.

Харин саяхан энэхүү хэлэлцээнд бага зэрэг өөрчлөлт гарчээ. Тодруулбал, Ц.Даваасүрэн, Б.Гарамгайбаатар, Л.Эрдэнэчимэг, Г.Баярсайхан, Я.Санжмятав, Э.Батшугар нарын нэр яригдаж эхэллээ.

АН дээрх хүмүүсийг сайдын суудалд хуваарилан оруулж ирэх юм байна. Ирээдүйн сайдуудад  Л.Эрдэнэчимэг мэтийн үл бүтэх хүмүүс орлоо хэмээн шүүмжлэх байр суурь ч гарчээ. Тэрээр өмнө нь олон удаа үг, үйлдлээрээ олон нийтийн дургүйцлийг төрүүлж намынхаа нэр хүндийг унагааж байсан нөхөр. Харин Б.Гарамгайбаатар, Ц.Даваасүрэн, Я.Санжмятав гурвын тухайд бусад намынханд ч нэр хүндтэй, сайдын суудалд залрахад арай дөхүүр хүмүүс хэмээн дүгнэж байгаа аж. Өөрөөр хэлбэл эдгээр хүмүүсийг сайдаар томилъё гэвэл дэмжлэг авах магадлал өндөр хэмээн АН үзэж байгаа юм.

Эх сурвалжийн мэдээлснээр Я.Санжмятавыг Сангийн сайдад хуваарилахыг эцсийн байдлаар тогтсон гэлээ.

Г.Үжин