Өнөөдөр АН-ын бүлгийн дарга Б.Гарамгайбаатар сэтгүүлчдэд мэдээлэл хийх үеэрээ “Манай нам “Шударга ёс” эвслийн бүлгийн шийдвэрийн дараа сайд нарын асуудлыг ярилцах болно” гэж мэдэгдсэн. Тэгвэл “Шударга ёс” эвслийн бүлгийн дэд дарга З.Баянсэлэнгээс бүлгийн хуралдаанаар ямар асуудал хэлэлцсэн, сайдын албан тушаалд нэр дэвшүүлэх гишүүдийнхээ нэрсийг тодорхой болгосон эсэх асуудлаар тодрууллаа.

Тэрбээр “Уг асуудлаар манай бүлэг албан ёсны шийдвэр гаргаагүй. Ээлжит бус чуулганы ач холбогдол үр дүн нь нийгэмд хүсэн хүлээлттэй байгаа Өршөөлийн тухай хуулийг хэлэлцэж батлах. Үүний дараа Засгийн газрын асуудал яригдана. Засгийн газрын сайд томилох асуудал манай бүлэг онцын ач холбогдол өгөхгүй байгаа. Манай намд тодорхой саналууд тавигдах байх. Өнөөдрийн байдлаар хэдэн яамыг нь авна, авахгүй гэж дотроо маргаж буй зүйл мөн байхгүй” гэлээ.

Т.Хулан