МАН-ын зургаан сайдын оронд томилох сайд нарыг тодруулах ажил эд явагдаж байна. Эрх баригч АН “Шударга ёс” эвсэл болон бие даагчдад хамтран ажиллах санал тавьсан гэж буй. Гэвч АН-ын бусад намуудтайгаа тохиролцох ажил нэг л бүтэмжгүй явж байгаа сурагтай.

Тухайлбал, “Шударга ёс” эвслийн бүлэг АН-аас 4 сайд 6 дэд сайдын суудал нэхэж цус харвуулах дөхсөн гэдэг. Тус бүлгийн хувьд хүссэн зүйлийг нь өгөхгүй бол АН-тай хамтрахгүй гэж хэлсэн гэж буй. Үүнээс болж АН-ынхан дотроо зодоонтой байгаа. Хэрвээ нэхээд буй дөрвөн сайдын суудлыг нь тэдэнд өгвөл АН-д ганц л яам үлдэх магадлалтай байгаа. Учир нь үлдсэн нэг яамыг бие даагчдад өгнө гэж ярьж байгаа. Харин АН-д “Шударга ёс” эвслээс өөр сонголт байхгүй болохоор зөвшөөрөхөөс аргагүй байдалд орж мэдэх юм. Ямар буцаад МАН-аа гуйлтай нь биш.

АН-ын “Шударга ёс” эвслийн бүлэгтэй хамтрах ажил ийнхүү гацаад байгаа бол бие даагчид ч Ерөнхий сайдын саналд татгалзсан хариу өгсөн сурагтай байна. Учир нь санал болгосон яам нь тэдэнд таалагдахгүй байгаа аж.

АН-ын “Шударга ёс” эвслийн бүлэгтэй хамтрах ажил ийнхүү гацаад байгаа бол бие даагчид ч Ерөнхий сайдын саналд татгалзсан хариу өгсөн сурагтай байна. Учир нь санал болгосон яам нь тэдэнд таалагдахгүй байгаа аж.

АН-ын дарга З.Энхболд бие даагч гишүүн Ц.Даваасүрэн, С.Ганбаатар нартай уулзаж Хөдөлмөрийн яамыг амалсан боловч тэд зөвшөөрөөгүй юм байна. Ц.Даваасүрэнгийн хувьд Сангийн яамнаас өөр газар очихгүй гэж байгаа бөгөөд АН чиг үүргийн гол яамаа түүнд өгөхгүй гэжээ. Тиймээс бие даагчид Оюутолгойн гэрээг Дубайд очиж хууль бусаар зурсан Ч.Сайханбилэгийн багт хамтрахгүй гэж үзэж байгаа аж. Цаашилбал Ерөнхий сайд Ч.Сайханбилэгийн сайдыг огцруулна гэсэн байр сууринд нэгджээ.

Үүнээс үзвэл Сангийн яамыг өгвөл өг. Өгөхгүй бол өөрийг чинь огцруулна гэсэн Бие даагчдын далд санаа явж байх шиг.

Ийнхүү яамдын тооны хувиарлалт, албан тушаалын томилгоо нь таалагдахгүй байгаагаас болж зургаан сайдыг томилох эсэх асуудал гацаанд ороод байгаа аж.

Т.Энхэлээ