Өршөөлийн хууль батлагдахтай зэрэгцэх шахуу буюу өчигдөр МАХН-ын дарга Н.Энхбаяр эх орондоо ирсэн билээ.

Түүнийг Шадар сайдын суудалд сууна гэх бор шувуу ч олны дунд нисэж байсан юм. Харин түүнийг эх орондоо ирэх үеэр  нь энэ талаар тодруулсан байна. 

Тэрбээр “Ямар нэгэн албан тушаал надад ерөөсөө хэрэггүй. Би албан тушаал хөөцөлдөж байсан бол аль хэдийнэ тэр чиглэлийн санаа бодлоо илэрхийлэх байсан. Надад албан тушаал хэрэггүй. Харин хүнд хэцүү нөхцөлд орсон байгаа хэнд ч болов, жирийн хүн, Засгийн газар хамаагүй тусалъя л гэж бодож байна. Зөвлөж тусалъя, туршлагаасаа хуваалцая, дэмжье гэж боддог юм. Гэхдээ би хэн нэгнийг чадсангүй гэж хэлэхээсээ илүү яагаад чадахгүй байна, юундаа байна гэдэгт санаа бодлоо хуваалцахыг хүсэж байна” хэмээн өөрийн байр сууриа илэрхийлжээ. 
 

Ямар ч байсан МАХН-ын дарга Н.Энхбаяр Шадар сайдын суудалд суух бодолгүй байгаа гэдгээ ийн илэрхийлсэн байна. Гэхдээ асуудал хаашаа эргэж, Н.Энхбаяр ямар албан тушаалд суухыг цаг хугацаа харуулах буй за.