УИХ дахь АН-ын бүлэг Төрийн ордонд хуралдах гэж байна.

Бүлгийн хуралдаанаар Засгийн газрын зарим сайд нарыг томилох асуудлаар нам, эвсэлтэй зөвшилцөх, тохироонд хүрэх асуудлыг хэлэлцэх аж. Өнөөдөр АН-ын дарга, УИХ-ын дарга З.Энхболд МАХН-ын дарга Н.Энхбаярыг хүлээн авч уулзаж, дээрх асуудлаар санал солилцсон юм.

Засгийн газрын зарим гишүүнийг томилох тухай асуудлыг УИХ дахь нам, эвслийн бүлгүүд хэлэлцэж байгаа. Бүлгүүд шийдвэрээ эцэслэн гаргасны дараагаар Ерөнхий сайд уг асуудлыг Ерөнхийлөгчтэй зөвшилцөх юм. Тиймээс энэ удаагийн ээлжит бус чуулганыг хаахаас өмнө сайд нарыг томилох асуудлыг өргөн барьж амжихгүй. Тиймээс ирэх долоо хоногт дахин ээлжит бус чуулган зарлаж, сайд нарын томилгоог хэлэлцэх магадалтай хэмээн албаны хүмүүс хэлж буй юм.