АН-ын бүлгийн хуралдаан дөнгөж сая өндөрлөлөө. Хуралдаанд Ерөнхий сайд Ч.Сайханбилэг, УИХ-ын дарга З.Энхболд нар оролцсон бөгөөд хурлын үйл явц ширүүн уур амьсгалтай болж өнгөрсөн талаар эх сурвалжууд хэлж байна. Мөн хуралдаанаар сайд нарт нэр дэвшигчдийн асуудлаар ярилцжээ.
Харин тус бүлгийн гишүүд хуралдаанаар яг ямар асуудал хэлэлцсэн талаар нууцалж ямар нэгэн тодорхой хариулт өгсөнгүй. Тэд "Намар болж байна. Тиймээс ургац хураалтаас эхлээд өвөлдөө хэрхэн бэлтгэх асуудлаар ярилцлаа. Засгийн газрын сайд нарын томилгооны асуудлаар ярилцаагүй" гэсэн хариултыг өгөв.
Энэ талаар АН-ын бүлгийн дарга Б.Гарамгайбаатар "Сайд нарын томилгооны асуудлаар нэгдсэн шийдэлд хүрсэн зүйл алга. Одоогийн байдлаар яамдын тооны талаар яриагүй байна. Эцсийн байдлаар тохирсоны дараа тодорхой болно. Би сангийн сайдад нэр дэвшээгүй" гэв.
Т.Энхэлээ
