Монголчуудын бахархал, өв соёл болох морин хуурыг нийслэлийн нэрийн хуудас болгох санааг одоогоос хоёр жилийн өмнө барималч, дизайнер Д.Эрдэмбилэг гаргаж байжээ. Тэрбээр "Морин хуур" цогцолборын зураг төслийг өмнө нь олон нийтэд танилцуулж байсан юм. Гэвч уг төслийг ивээн тэтгэж, санхүүжүүлэх байгууллага олдоогүй байсаар өдийг хүрчээ. Харин саяхан ивээн тэтгэгч байгууллага гарч ирсэн учир сонгууль өнгөрөөд баригдаж эхлэх гэнэ. Монгол архитекиоруудын ур чадвар, сэтгэхүйн онцлогийг харуулах тус байгууламж 208 м өндөр байх бөгөөд суурь барилга нь 21 давхар байхаар зураг төслийг хийжээ. Мөн тэнд үйлчилгээний төв, оффис, нисдэг тэрэг буух талбай, гүүрэн гарц бүхий иж бүрэн цогцолбор байхаар төлөвлөжээ. Одоогоор цогцолборыг хаана барих, хэн санхүүжүүлж байгааг нууцалж байгаа ажээ.

Д.Ундрах 24tsag.mn