АНУ-ын еранхийлөгч асан Билл Клинтон охин Челси Клинтоны хамт Өмнөд Африкт айлчилж байна. Тэрээр улс төрийн бус хүмүүнлэгийн шугамаар айлчилж байгаа юм. Ядуу айлын ахлах сургуулийн болон сургуулиа дөнгөж төгссөн хүүхдүүдийг харж хандан, тэднийг зөв зам руу хөтлөхөд тусалдаг энэ төвийг 2005 онд Өмнөд Африкийн ерөнхийлөгч асан Нельсон Мандела Билл Клинтоны хамтаар анх санаачлан байгуулж байжээ. Клинтон охин Челсигийнхээ хамтаар Иоханнесбург хотын захад орших Соуэто тосгон дахь залуучуудын төвд зочилсон байна.
Өнгөрсөн хугацаанд тус төв нь 23 мянга гаруй хүүхдэд тусалж, тэднийг гэрэл гэгээтэй амьдралд нь хөтлөн оруулсан байна. Өөрийн байгуулж байсан хүмүүнлэгийн төвдөө охиныхоо хамтаар ирсэн Билл Клинтоныг тус төвийн хүүхдүүд дуу бүжигээр угтжээ. Билл Клинтон төр засгаас тэр бүр дэмжлэг авч чаддаггүй хүмүүнлэгийн үйлсэд хувийн хандивлагчид, сайн дурынханыг татан оролцуулахыг зорьж байгаа юм байна.
Тэрээ “Хүүхэд бүрт өөрийн гэсэн хүсэл мөрөөдөл байдаг. Хүсэж мөрөөдсөн тэр амьдралд нь хүрэхэд бид туслах ёстой. томчууд бидний тусламж анхаарал шаардлагатай хүүхдүүд дэлхийн аль ч хэсэгт байгаа.” Хэмээн ярьжээ.
Өнөөдөр Билл Клинтон өмнөд африкийн улсын анхны ерөнхийлөгч Нельсон Манделатай гэрт нь очиж уулзах юм байна. Түүний Африкийн орнуудад хийж буй айлчлал цаашишид Мозамбик, Уганда, Руанда улсуудад очих юм байна.
Өнөөдөр Билл Клинтон өмнөд африкийн улсын анхны ерөнхийлөгч Нельсон Манделатай гэрт нь очиж уулзах юм байна. Түүний Африкийн орнуудад хийж буй айлчлал цаашишид Мозамбик, Уганда, Руанда улсуудад очих юм байна.
Э.Мөнх
