Өнгөрсөн долоо хоногт болж өнгөрсөн онцлох үйл явдлуудаас хүргэж байна
ШИНЭ ЦЭВЭРЛЭХ БАЙГУУЛАМЖИД ДЭЛХИЙН ШИЛДЭГ ТЕХНОЛОГИЙГ НЭВТРҮҮЛНЭ
Монгол Улсын Гадаад харилцааны сайд Д.Цогтбаатарын урилгаар Монгол Улсад албан айлчлал хийж буй БНХАУ-ын Төрийн зөвлөлийн гишүүн, Гадаад хэргийн сайд Ван И Монгол Улсын Ерөнхий сайд Ухнаагийн Хүрэлсүхэд бараалхав.
Ж.БАТЗАНДАН: ҮНДСЭН ХУУЛЬД НЭМЭЛТ ӨӨРЧЛӨЛТ ОРУУЛАХ ТУХАЙ ХУУЛИЙН ТӨСӨЛ ХАНГАЛТГҮЙ
УИХ-ын гишүүн, Хууль зүйн Байнгын хорооны гишүүн Ж.Батзандангийн санаачлан хэрэгжүүлж буй “Системийн шинэчлэл-Ард нийтийн санал асуулга” сэдэвт хэлэлцүүлэг өнөөдөр боллоо. Хуралд иргэдийн төлөөлөл болон эрдэмтэн, судлаачид оролцсон юм.
УИХ-ЫН ГИШҮҮН АСАН Д.ГАНТУЛГЫН ШҮҮХ ХУРАЛ ДАХИН ХОЙШЛОГДЛОО
УИХ-ын гишүүн асан Д.Гантулга болон иргэн Ч.Наранзаяа нарт холбогдох шүүх хурал өнөөдөр 11 цагаас Баянзүрх, Сүхбаатар, Чингэлтэй дүүргийн Эрүүгийн анхан шатны шүүхэд болох байсан ч шүүгдэгч Д.Гантулгын өмгөөлөгч Н.Отгонбаяр хүндэтгэх шалтгааны улмаас шүүх хуралд оролцох боломжгүй гэсэн учир өнөөдрийн шүүх хурал хойшлогдлоо.
Ц.ГАРАМЖАВ НАРЫН ГИШҮҮД ЭХЧҮҮДИЙН ТЭТГЭВРИЙН ЗӨРҮҮГ АРИЛГАХ ХУУЛИЙН ТӨСЛИЙГ САНААЧИЛЖЭЭ
Энэ талаар УИХ-ын гишүүн Ц.Гарамжав “1990 оны Тэтгэврийн хуульд заасан эхчүүдийн насны тэтгэвэр эрт тогтоолгох эрх нь тэднийг нас ахих үед ажилгүйдэлд өртөж, ажилгүй болохоос хамгаалах сайн талтай ч 35-45 насандаа гарсан тул хөдөлмөр хийж олох байсан илүү орлогоо алдсанаас ар гэрийн амьжиргаанд сөргөөр нөлөөлөх, хүүхэд төрүүлсэн нөхцөлд хүүхдээ асрах хугацааны шимтгэл төлөгдөхгүй үлдсэнээс тэтгэвэр нь харьцангуй бага тогтоогдох, нийгмийн баталгаа нь алдагдах, хүүхэд төрүүлж өсгөсөн хөдөлмөр нь үнэлэгдэхгүй үлдэх сөрөг тал нь их байна.
НИЙСЛЭЛИЙН МАН-ЫН БАГА ХУРЛЫГ ИРЭХ 9-Р САРЫН 21-НД ХУРАЛДУУЛАХААР ТОВЛОЛОО
Нийслэлийн МАН-ын хорооны тэргүүлэгчид өнөөдөр хуралдаж, бага хурлын товоо тогтлоо. Нийслэлийн МАН-ын 34 дүгээр бага хурлыг 9-р сарын 21-нд хуралдуулж, 369 төлөөлөгч оролцуулахаар тэргүүлэгчид санал нэгдсэн байна.
Ч.ХҮРЭЛБААТАР: 2019 ОНД ЦАЛИН, ТЭТГЭВРИЙГ НЭМЭГДҮҮЛЭХЭЭР ОУВС-ТАЙ ТОХИРОЛЦСОН
Сангийн сайд Ч.Хүрэлбаатар эдийн засгийн нөхцөл байдал болон ОУВС-тай хийсэн сүүлийн уулзалтаар тохиролцсон асуудлуудыг танилцуулж мэдээлэл хийлээ.
Монгол Улсын эдийн засгийн өсөлт эхний хагас жилийн байдлаар 6.3 хувьтай болж, эхний долоон сарын байдлаар төсвийн орлого 589 тэрбум төгрөгөөр давж биелсэн гэх мэдээллийг Сангийн сайд өглөө.
"ТЭЭВРИЙН ЦАГДААГИЙН АЛБА"-ЫГ БАЙГУУЛЛАА
Хууль зүй, дотоод хэргийн сайдын шинэчлэн баталсан зохион байгуулалтын бүтцийн шийдвэрийг үндэслэн цагдаагийн байгууллага дотооддоо зарим өөрчлөлтийг хийлээ.
БНХАУ-ЫН ГАДААД ХЭРГИЙН САЙД УВС АЙМАГТ АЙЛЧИЛЛАА
Монгол Улсын Гадаад харилцааны сайд Д.Цогтбаатарын урилгаар БНХАУ-ын Төрийн Зөвлөлийн гишүүн, Гадаад хэргийн сайд Ван И болон бусад холбогдох яамны сайд нар наймдугаар сарын 23-25-ны өдрүүдэд Монгол Улсад албан ёсны айлчлал хийж буй. Айлчлалын хүрээнд хоёр тал албан ёсны хэлэлцээ хийж, Монгол Улс, БНХАУ-ын хооронд тогтоосон иж бүрэн стратегийн түншлэлийн харилцааг бэхжүүлэх, харилцан ашигтай хамтын ажиллагааг тэргүүлэх салбаруудад идэвхжүүлэн гүнзгийрүүлэх, хамтын ажиллагааг эрчимжүүлэх, олон улсын болон бүс нутгийн харилцааны асуудлаар санал солилцсон байна.
МУИС-ИЙН ОЮУТНУУД ТАЙВАН ЖАГСААЛ ЗОХИОН БАЙГУУЛЖ БАЙНА
МУИС-ийн оюутнуудын төлбөр нэмэгдсэнтэй холбоотойгоор уг сургуулийн 17 мянган оюутны төлөөлөл өнөөдөр сургуулийнхаа нэгдүгээр байрны гадаа тайван жагсаал зохион байгуулж байна.
ЕРӨНХИЙ САЙДЫН ТУСЛАХ АСАН Н.ЭНХБААТАРЫГ ДАХИН НЭГ САР ХОРИХООР БОЛЖЭЭ
Ерөнхий сайд У.Хүрэлсүхийн туслах асан Н.Энхбаатарыг саатуулах 30 хоногийн хуулийн хугацаа өчигдөр /2018.08.23/ дууссан. Тиймээс прокурорын байгууллагаас үргэлжлүүлэн хорих саналаа шүүхэд хүргүүлсэн байна. Тэгвэл шүүхээс түүнийг дахин нэг сар цагдан хорих шийдвэрийг гаргажээ.
МАНСУУРУУЛАХ БОДИС УЛСЫН ХИЛЭЭР НЭВТРҮҮЛЭХ ГЭЖ БАЙГААД БАРИГДЖЭЭ
Гаалийн ерөнхий газрын Гаалийн зөрчилтэй тэмцэх хэрэг бүртгэх газрын Хар тамхины хяналтын албанаас Монгол улсын нэр бүхий иргэд АНУ-аас "Hash oil” буюу каннабийн охь байж болзошгүй мансууруулах бодис улсын хилээр хууль бусаар нэвтрүүлсэн үйлдлийг илрүүлжээ.
ХОТЫН ДАРГА СУ.БАТБОЛДЫГ АВИЛГАТАЙ ТЭМЦЭХ ГАЗАРТ ӨГЛӨӨ
Тэрбээр “Макс групп ХХК-ийн хувьцаа эзэмшигч, Улсын тод манлай уяач Ганбаатар нь Хан-Уул дүүрэгт морин тойруулга барьж ашиглах зориулалтаар 2000 онд Яармагийн тавдугаар хороонд 70 га газрыг өөрийн нэр дээр авсан. Гэвч Д.Ганбаатар нь Газрын тухай хуульд заасан газрын төлбөрөө олон жил өгөхгүй байснаас болж 2015 онд тус газрын зөвшөөрлийг цуцалсан.
Б.Лхам
