Монголын хүүхэлдэйн зураачдын холбооны тэргүүн Д.Доржхоролын уран бүтээлийг нөгөөдрөөс эхлэн сонирхож болох нь. Урчуудын эвлэлийн хорооны үзэсгэлэнгийн танхимд дэлгэх уран бүтээлийнх нь талаар ярилцлаа.

   Монголын хүүхэлдэйн зураачдын холбооны тэргүүн Д.Доржхоролын уран бүтээлийг нөгөөдрөөс эхлэн сонирхож болох нь. Урчуудын эвлэлийн хорооны үзэсгэлэнгийн танхимд дэлгэх уран бүтээлийнх нь талаар ярилцлаа.

-Монголын хүүхэлдэйн зураачдын холбоо гэхээр нэрнээсээ л их сонирхолтой сонсогдож байна?
-Холбоо маань 1980 онд бай­­гуулагдсан. Энд харьяа­лагддаг хүүхэлдэйн зу­раа­чид дийлэнхдээ монголын үндэстэн яс­тан, угсаатны уламжлалт хув­цас­ны онцлогийг харуулсан хүү­хэлдэй урладаг. Бидний “Mondoll” нэрийн бүтээл Мон­голын худалдаа аж үйлдвэ­рийн танхимийн 2005 оны үндэсний шилдэг “Брэнд” бүтээгдэхүүний шаг­нал хүрт­сэн. Манай бүтээг­дэхүүнийг төрийн өндөр хэмжээний айлчлал, дипломат уулзалтад бэлэг дурсгалын зорилгоор хэрэглэх нь ч их.
 
 -Ер нь хүүхэлдэйн урлаг сонирхолтой. Доржхоролын гэх тодотголтой хүүхэлдэйг олон улсын хүүхэлдэй цуглуулагчид андахгүй мэддэг болсон гэх яриаг би сонсч байсан. Ийм сонирхолтой чиглэлээр уран бүтээл туурвидаг болохоор одоо олон нийтэд толилуулах гэж байгаа үзэсгэлэн тань сайхан болно байх?
-Хүүхэлдэйн урлаг бол зурах, барих, сий­лэх, оёх, наах гээд л дүрслэх урлагийн бараг бүх төр­лийн ур чадвар, сэтгэлгээ, мэд­рэмжийг уран бүтээлчээсээ шаард­даг. Би 1980 онд анхны мэргэжлийн хүүхэлдэйн урлаач болсноосоо хойш энэ чиглэлээр тасралтгүй ажиллалаа. Хүүхэлдэйн ертөнцөөр амьдарсан 30 гаруй жилийн хугацаандаа бүтээсэн хүүхэлдэйн тоо 70 мянга хол давжээ. Сонирхуулахад, миний уран бүтээл дунд чигчий хуруун хэмжээтэйгээс авахуулаад цамын баг, морь бий. Алдартнуудын бие, дүрсийг дуу­райлган хийсэн хүүхэлдэй, түү­ний  хувцас чимэглэл нь 1000 ам.дол­лараар бүтэж бай­сан цорын ганц урлагийн бүтээл ч бий. Монгол хүүхэл­дэйн урлагийг дэлхийд нэртэй монгол брэнд болгоход хувь нэмэр оруулж яваадаа би баяр­тай байдаг.

  -Монгол үндэсний хувцастай хүүхэлдэйн гол худалдан авагчид нь гадны жуулчид болов уу. Үндэсний хувцастай хүүхэлдэйг хүмүүс бэлэг дурсгалын зориулалтаар л хүмүүс авдаг байх аа?
-Зарим хүмүүс гадаад оронд очоод тухайн орны үндэсний хоолыг амталж үзэ­хийг хүсдэг бол зарим нь алдартай газруудаар нь орж үздэг. Эсвэл бүр казино орох гээд хүн бүр л өөр өөрийн сонирхдог чиглэл байх шиг байна. Гэвч гадаад оронд очсон хүн бүр тухайн улсын соёл зан заншлыг нь илэрхийлсэн бэлэг дурсгалын зүйлсээс найз нөхөд, гэр бүлийнхэндээ бэлэг болгохоор эсвэл өөртөө дурсгал болго­хоор авах нь элбэг байдаг шиг санагддаг. Үүний адилаар, Монголд ир­сэн гадаадын жуулчид, зо­чид төлөөлөгчдийн хамгийн их бэлэг дурсгал, сонирхдог зүйл бол монгол үндэсний хувцастай хос хүүхэлдэй. Гэхдээ уламжлалт үндэсний хувцас, үнэт эд­лэлээр чимсэн хос хүүхэлдэй маань бэлэг дурсгалаас илүү бэлэг дэмбэрлийн утга учир агуулдаг нь бас монгол сэтгэлгээ, ёс заншилтай хол­боотой. Гэхдээ манайхны энгийн хэрэглээ төдийлөн монгол хүүхэлдэйтэй их хамаа­гүй байна л даа. Гэсэн ч манай залуу хосууд хуримлахдаа унах машиныхаа гоёлын хүүхэлдэйг монгол хаан, хатны хос хүүхэлдэйгээр сон­гох цаг удахгүй ирнэ гэж би итгэдэг.

  -Нөгөөдөр нээгдэх таны уран бүтээлийн үзэсгэлэнд хэчнээн тооны, ямар уран бүтээл дэлгэгдэх гэж байна вэ?
-Энэ бол манайдаа анх удаа хүүхэлдэйн уран бүтээлээр нээгдэж байгаа үзэсгэлэн. Мэдээж, миний уран бүтээ­лийн сан хөмрөгт сор нь болсон урлалууд тавигдана. Сор болсон бүтээл гэхээр тухайн хүүхэлдэйг урлах бүх ажиллагааг чимхлүүр, гарын торгон үзүүрээр хийж бүтээдэг гэсэн үг л дээ. Тэгэхээр яг адилхан хоёр хүүхэлдэй хэзээ ч төрдөггүй гэсэн үг. Тийм бүтээлүүд маань үзэсгэлэнд тавигдана. Хүүхэлдэйн урлаг бол хамгийн чамин урлаг. Ийм чамин сайхан урла­гийн шүтэн бишрэгчдийн “мэр­гэн” нүдэнд өртөж, “худалдагдахаасаа” өмнө ганц удаа хуран чуулж, үзэсгэлэн болж байгаа цорын ганц хүүхэлдэйнүүдийг маань үзэгчид, сонирхогчид өргөнөөр ирж үзээсэй гэж хүсч байна. Ер нь хүүхэлдэйн урлалын үзэсгэлэн дэлхийд ч ховор л зохион байгуулагддаг юм билээ. Үзэсгэлэнд маань хүрэлцэн ирсэн хүн бүхэн сэтгэлийн өндөр их таашаал авч, монгол бахарх­лаар дүүрэн гарна гэдэгт би итгэж байна.