Гэрлэх ёслолын ордны дарга Х.Оюунчимэг, тус ордны ерөнхий нягтлан бодогч Г.Шүрэнцэцэг нарыг албан тушаалын байдлаа урвуулан ашигласан хэмээн АТГ-т шалгаж эхэлсэн талаар манай сайт мэдээлсэн.
    Гэрлэх ёслолын ордны дарга Х.Оюунчимэг, тус ордны ерөнхий нягтлан бодогч Г.Шүрэнцэцэг нарыг албан тушаалын байдлаа урвуулан ашигласан хэмээн АТГ-т шалгаж эхэлсэн талаар манай сайт мэдээлсэн. Тэднийг албан тушаалын байдлаа урвуулан ашиглаж, байгууллагад 23 сая 750 мянган төгрөгийн хохирол учруулсан хэмээн Эрүүгийн хуулийн тусгай ангийн 150.3, 263.2-т заасан хүндэвтэр зүйл ангиар эрүүгийн хэрэг үүсгэсэн байна. Энэ талаар АТГ-ын эх сурвалжаас тодруулахад “Мөрдөн байцаалтын шатанд яваа. Тиймээс дэлгэрэнгүй мэдээлэл өгөх боломжгүй” гэв.

Мөн хэргийн талаар гэрлэх ёслолын ордны дарга Х.Оюунчимэгээс өөрөөс нь тодрууллаа. 

-Таныг АТГ-аас шалгаж эхэлсэн байна. Энэ талаар?

-Манайх “Кодак дурсамж” гэдэг хувийн гэрэл зургийн газартай гэрээгээр хамтран ажилладаг байсан юм. Гэтэл зурагчин н.Сүх-Очир гэгч залууг ажлын байранд архидан согтуурсан болохоор нь бид хамтран ажиллахаас татгалзсан юм. Тэгээд ч манайх улсын компанитай хамтран ажиллахаар болсон.  Тэр залуу үүнд хорсож намайг АТГ-д өгсөн байна лээ.

-Албаны 23 сая орчим төгрөгийг завшсан гэсэн?

-30x40 хэмжээтэй зурагнаас гарсан ашгийг намайг хувьдаа авсан гээд байгаа юм. Тэр мөнгийг бид ажилчдынхаа нийгмийн асуудалд зарцуулсан. Бүх баримт нь байгаа.