УИХ-ын гишүүн Х.Баттулгыг ЗТБХБ-ын сайд байхад "Монголын төмөр зам" төрийн өмчит компаний захирлаар ажиллаж байсан Б.Батзаяаг хамтарсан Засгийн газар тарсны дараа ажлаас нь чөлөөлсөн билээ. Түүнийг УИХ-ын гишүүн Х.Баттулгатай хамтран солонгос, хятадуудтай төмөр замын нууц гэрээ гэгчийг байгуулсан хэмээн ХЗДХ-ийн сайд асан  Ц.Нямдорж буруутгаж байсан. Б.Батзаяа өөрийг нь хууль бусаар ажлаас нь халсан гэж үзсэн тул Чингэлтэй дүүргийн шүүхэд гомдол гаргасан юм. Тэгвэл тус дүүргийн шүүх түүний гомдлыг хэлэлцээд ажлаас халах үндэслэл байхгүй гэж үзсэн тул ажилд нь эргүүлэн томилсон байна.