Удахгүй хичээлийн шинэ жил эхэлнэ. Төв аймгийн Улаан загалмайн хороо жил бүр хүмүүнлэгийн     ажил өрнүүлж өнчин, амьдралын баталгаажих төвшингөөс доогуур орлоготой өрхийн хүүхдүүдэд хичээлийн хэрэгсэл гардуулдаг байна.

Энэ жилийн хувьд аймгийнхаа 27 сумаас судалгаа авч бүтэн өнчин 150 гаруй хүүхдэд хичээлийн хэрэгсэл, өвлийн хувцас тараажээ. Мөн энэ үеэр хүмүүнлэгийн үйлсийг сурталчилж, хүмүүнлэгийн үйл ажиллагаанд идэвхтэй оролцдог зарим хүнийг шагнаж урамшуулсан байна.