Хөдөө орон нутагтаа холбоотой цаг үеийн мэдээ мэдээллийг та бүхэнд хүргэж байна.
Баянхонгор аймгийн Баянговь сумын нутаг хуучин гар аргаар алт олборлож байсан Цагаан дэрс, Хужирт зэрэг түрэх механизм орох боломжгүй газруудад тус сумын байгаль хамгаалагч Ж.Батбаяр нутгийн зургаан малчин иргэнтэй хамтран 30 гаруй нүхийг булж, нөхөн сэргээсэн байна.

Баянхонгор аймгийн Баянлиг, Баянговь сумдын удирдлагууд ГГБЦГ, түүний орчны бүсээс хууль бусаар заг бэлтгэх зөвшөөрөл олгож, 200 тн заг татуулсан асуудлыг хуулийн байгууллагаар шалгуулахаар холбогдох материалыг хүргүүлсэн байна.

Сүхбаатар аймгийн Сүхбаатар сумын нутагт орших Хөвийн голын хайргыг ашигласны улмаас эвдрэлд ороод байсан газрыг ашиглагч нараар өөрсдөөр нь нөхөн сэргээлт хийлгэжээ. Нутгийн иргэд сумын удирдлагуудтай хамтран хамгаалалтын хашаа хийж, мод бут тарихаар төлөвлөсөн байна.