УИХ-ын гишүүн Ч.Улаан Монгол улсын 30 дахь Сангийн сайдаар томилогдож, ажлаа хүлээн авлаа. Тэрбээр УИХ-д тав дахь удаагаа сонгогдсон, энэ хугацаанд дөрвөн ч удаа сайдаар ажиллаж байсан. Тодруулбал, өмнө нь хоёр ч удаа Сангийн сайдаар томилогдон ажиллаж байсан Шадар сайд, Үйлдвэрийн сайд зэрэг албóóäûã хашиж байжээ. Сангийн сайдаар томилогдсоноор Монгол Улсын түүхэнд хамгийн олон буюу  гурав дахь удаагаа  уг албанд томилогдсон сайд болж байна. Дөрвөн жилийн дараа иргэн ирж буй Сангийн сайд Ч.Улаан ажлаа хүлээж авах үеэрээ “Монгол Улс, хүн ардын эрчимтэй хөгжлийг эрчтэй урагшлуулж, монгол хүнээ ажилтай, орлоготой, болгохын төлөө шинэчлэлийн бодлогыг тууштай, шуурхай, шударга, хариуцлагатайгаар хэрэгжүүлэхийн төлөө зүтгэх үүрэг хүлээж байна” гэлээ. Мөн энэ үеэр  Ерөнхий сайд Н.Алтанхуяг “Монгол Улсын эдийн засгийн чадавхи сул байгаа, уг нь асар их хөрөнгө татвараар дамжин орж ирнэ хэмээн тооцоолсон ч тэр хэмжээнд хүрээгүй. Тиймээс туршлагатай санхүүчийг Сангийн сайдаар томилсноор эдийн засагт хийх шинэчлэл болон бусад хүлээгдэж буй ажлыг шууд гүйцэтгэх боломжтой хэмээн үзэж байна” хэмээн онцолон хэлээд ажлын өндөр амжилт хүслээ.