МАН-ын нарийн бичгийн дарга асан, НАМЗХ-ны тэргүүн Л.Оюун-Эрдэнийг МАН-ынхан албан тушаалаас нь огцруулахаар ярьж эхэлжээ. Түүнийг бусад намын удирдлагуудтай адил сонгуульд ялагдал хүлээсэнд ямар нэг хариуцлага хүлээх ёстой гэж үзсэн байна. Тэгээд ч УИХ-ын сонгуулийн өмнө ид “мандаж” байсан Л.Оюун-Эрдэнийг У.Хүрэлсүхийн “кран”-аар өргүүлж намын нарийн бичгийн дарга болсон хэмээн дургүйцэх хүн МАН-ын залуучууд дунд олон байдаг аж.
   Харин түүний оронд НАМЗХ-ны ерөнхийлөгчөөр Дорноговь аймгаас УИХ-д сонгогдсон Н.Номтойбаяр, Орхон аймгаас гарсан О.Содбилэг болон Өвөрхангай аймагт нэр дэвшсэн ч гишүүний тангаргаа өргөөгүй байгаад Ч.Төмөрхүү нарын нэр яригдаж байгаа гэнэ. Харин энэ эрхмүүдээс НАМЗХ-ны тэргүүн болохоор “МАК”-ын Н.Номтойбаяр гишүүн ихэд хичээж байгаа аж.