Чингис хааны онгон оршдог гэдгээрээ танигдсан Өвөр Монголын Ордос хотыг бүтэн сарын турш дэлхийн гоо охид чимэв. Монголыг төлөөлж амжилттай оролцсон Х.Баярмаа эх орондоо ирээд байгаа. Түүний тэмцээнд оролцсон амжилтыг монголчууд янз бүрээр хүлээн авч байна. Х.Баярмаа өмнөх оролцогчийн амжилтыг эвдэж шилдэг 15-д орж чадаагүй ч үндэсний бүжгийн шилдэг 9-д, авъяаслаг миссийн шилдэг 15-д орсон. Үүнээс илүүтэйгээр тэрбээр Монголын нэрийг сурталчилаад ирсэн юм. Дэлхийн миссийн тэмцээн энэ жил Монголын хилд ойрхон гэдэг утгаараа олон монголчууд очиж оролцогчоо дэмжих байх гэсэн найдвар байсан ч Х.Баярмааг дэмжиж 20 орчим монголчууд очсон байлаа. Өвөр Монголд өрнөсөн “Дэлхийн мисс 2012”-ын хөшигний цаана юу болов гэдгийг 24tsag.mn зах зухаас нь хүргэж байна.
Орхигдсон Ордос
Ордос хот бол Хятадын хоёр дахь Шанхай болгох гэж зорьж байгаа хот юм. Орчин үеийн загвартай өндөр барилга, сайн чанарын зам, зохион байгуулалт сайтай хороолол. Энд Хятадын баячууд голдуу амрах цагаа өнгөрөөж, том том барилгууд сүндэрлүүлж байна. Гэхдээ энэ бол Ордос хотын өнгөн тал юм. Улаанбаатарт бол зам нь түгжрээд мөлхөх шахуу байдаг оргил цагаар ч эндэхийн замыг хурдны зам болгон ашиглаж болохоор. Учир нь мкв нь 2 сая орчим төгрөг хүрэх олон үнэтэй гоёмсог байшингуудад барагтай бол хүн амьдардаггүй. Цөөн хэдэн хятадын баячууд нь л “тарвалзаж” байдаг аж. Өвөр Монголын аялал жуулчлалын төв /Чингисийн онгон/ гэдэг ч энэ хотод барагтай бол өвөр монгол хүн байхгүй. “Reseption”, “airport”, “hotel”, “breakfast” гэх зэрэг энгийн хэрэглээний үг мэддэг хүн цөөхөн. Өөрөөр хэлбэл иргэдийнх нь боловсролын түвшин нь доогуур гэж үнэлэгдэхээр аж.
Харин энд дэлхийн миссийн тэмцээн болох сургаар нэг зүйлийн үнэ тэнгэрт хадсан нь зочид буудал байв. 118 орны мисс бүсгүйчүүдийн ар гэр, тэднийг дэмжихээр ирсэн хүмүүс зочид буудал дүүрсэн тул 180 юаны хамгийн хямд буудал 260 болж, 280 юаны үнэтэй нь 300 зарим нь 500 юань болсон байлаа. Дэлхийн миссийн тэмцээн болсон хэсгийг хуучин Ордос гэх бөгөөд Шинэ Ордос буюу Гиа багшийн тойрог нь хөгжлөөрөө хавь илүү, оршин суугчдын тоо ч олон байдаг аж. Харин хоёр дахь Шанхай болгохоор зорьж байгаа Ордос хотыг олонд таниулахын тулд Дэлхийн миссийн тэмцээнийг зохион байгуулсан нь илт байлаа.
“Дэлхийн мисс 2012” тэмцээний эцсийн шалгаруулалт болсон өдөр Х.Баярмааг дэмжихээр аав Ц.Хүсэлбаатар нь ирсэн юм. Түүнд охинтойгоо уулзах 20, 30 минутын л боломж олдсон. Х.Баярмаагийн ярианаас үзэхэд охид бараг л хагас цэрэгжилтийн байдалтай байдаг бөгөөд оройн 2, 3 цагт унтаад өглөө 5 цагт босдог байжээ. Өглөөний таван цагт нүүрээ будаж, хувцсаа өмсөхөд баахан цаг зарцуулах бөгөөд охид л болсон хойно бие биенээсээ илүү харагдах гэж хичээдэг аж. Х.Баярмаагийн хэлснээр охид тэмцээн хурдан дуусаасай гэж өрөөндөө байнга уйлж суудаг байна. Тэрбээр “Заримдаа ээжийгээ санаад их уйлдаг байсан. Цаг харж байгаад л тэдэн минут гээд уйлдаг байсан. Хэцүү байна гэхэд ээж Монголынхоо нэрийг гаргаж байгаа хүн ийм зүйлд шантарч болдоггүй юм гэж урам өгдөг байсан” гэсэн юм. Үнэхээр охид өдөржин өндөр өсгийтэй гуталтай, хөлнөөс нь цус гарсан ч сайхан харагдах гэж, дотроо хэцүү байсан ч гаднаа инээж явдаг аж.
30 мянган хятадуудаас ялгарсан монголын дэмжигчид.
UBS телевизийн сэтгүүлчид.
"UBS" телевизийн захирал Л.Балхжав гэргийн хамт.
Тэмцээн эхлэхэд хэдхэн цагийн өмнө Х.Баярмаа ямар даашинз өмсөхөө сонгоогүй байна гэж тэвдүү байдалтай явж байв. Харин тэмцээн эхлэхэд тэрбээр гоёмог цагаан даашинз өмссөн байлаа.
Орхигдсон ОрдосХарин энд дэлхийн миссийн тэмцээн болох сургаар нэг зүйлийн үнэ тэнгэрт хадсан нь зочид буудал байв. 118 орны мисс бүсгүйчүүдийн ар гэр, тэднийг дэмжихээр ирсэн хүмүүс зочид буудал дүүрсэн тул 180 юаны хамгийн хямд буудал 260 болж, 280 юаны үнэтэй нь 300 зарим нь 500 юань болсон байлаа. Дэлхийн миссийн тэмцээн болсон хэсгийг хуучин Ордос гэх бөгөөд Шинэ Ордос буюу Гиа багшийн тойрог нь хөгжлөөрөө хавь илүү, оршин суугчдын тоо ч олон байдаг аж. Харин хоёр дахь Шанхай болгохоор зорьж байгаа Ордос хотыг олонд таниулахын тулд Дэлхийн миссийн тэмцээнийг зохион байгуулсан нь илт байлаа.
Х.Баярмаа: Цаг харж байгаад л уйлдаг
“Дэлхийн мисс 2012” тэмцээний эцсийн шалгаруулалт болсон өдөр Х.Баярмааг дэмжихээр аав Ц.Хүсэлбаатар нь ирсэн юм. Түүнд охинтойгоо уулзах 20, 30 минутын л боломж олдсон. Х.Баярмаагийн ярианаас үзэхэд охид бараг л хагас цэрэгжилтийн байдалтай байдаг бөгөөд оройн 2, 3 цагт унтаад өглөө 5 цагт босдог байжээ. Өглөөний таван цагт нүүрээ будаж, хувцсаа өмсөхөд баахан цаг зарцуулах бөгөөд охид л болсон хойно бие биенээсээ илүү харагдах гэж хичээдэг аж. Х.Баярмаагийн хэлснээр охид тэмцээн хурдан дуусаасай гэж өрөөндөө байнга уйлж суудаг байна. Тэрбээр “Заримдаа ээжийгээ санаад их уйлдаг байсан. Цаг харж байгаад л тэдэн минут гээд уйлдаг байсан. Хэцүү байна гэхэд ээж Монголынхоо нэрийг гаргаж байгаа хүн ийм зүйлд шантарч болдоггүй юм гэж урам өгдөг байсан” гэсэн юм. Үнэхээр охид өдөржин өндөр өсгийтэй гуталтай, хөлнөөс нь цус гарсан ч сайхан харагдах гэж, дотроо хэцүү байсан ч гаднаа инээж явдаг аж.
“Дэлхийн мисс 2012”-ын тайзанд Зимбабве, Монголын мисс зовлон нэгтэй байв
30 мянга гаруй үзэгчтэй Ордосын спорт цогцолбороор дүүрэн хятадууд. Харин Монгол бүсгүйг дэмжиж 20 орчим монголчууд ирсэн байлаа. Х.Баярмаагийн гэрийнхэн, “UBS” телевизийнхэн, хамт олнооро ирсэн амрагчид гээд 20 гаруйхан монголчууд байлаа. Тэд “Өвөр Монголд болж байгаа гэдэг утгаараа зардал нь хямд болохоор Монголын миссээ дэмжихээр ирсэн” гэцгээж байв.
30 мянган хятадуудаас ялгарсан монголын дэмжигчид.
UBS телевизийн сэтгүүлчид.
"UBS" телевизийн захирал Л.Балхжав гэргийн хамт.
Тэмцээн эхлэхэд хэдхэн цагийн өмнө Х.Баярмаа ямар даашинз өмсөхөө сонгоогүй байна гэж тэвдүү байдалтай явж байв. Харин тэмцээн эхлэхэд тэрбээр гоёмог цагаан даашинз өмссөн байлаа.
Дэлхийн миссийн титмийг зүүсэн Хятадын мисс бүсгүй үнэхээр сайхан дуулдаг аж. Түүний зураг гарах, нэр нь дуудагдах бүрийд цэнгэлдэх дүүрэн хүн "China" гэж хашгиралдаж байв. Харин Хятад бүсгүй Дэлхийн миссээр тодрох мөчид зааланд тийм ч их сэтгэл хөөрөл байсангүй. Зарим монголчууд "цаанаасаа тохирсон байсан, зохион байгуулж байгаа орны миссд тал заслаа" гэх зэрэг харын үг унагаж байв.
Энэ бүсгүй бол Зимбабве улсын мисс. Зимбабве, Монголын мисс дэлхийн миссийн тайзанд зовлон нэгтэй байв. Х.Баярмааг эндээс тэмцээнд долоохон хоног бэлдээд явахдаа бүх зардлаа хувиасаа гаргасан. Тэмцээнд өмсөх даашинз, бүтэн сарын зардал гээд бүх зүйлийг ёстой бор зүрхээрээ зохицуулсан гэж аав нь ярьж байлаа. Олимпийн наадамд тамирчдаа дэмждэг шигээ монгол охидоо ч бас дэмжиж, улсаас ядаж л нэг зөвлөгч багш гаргаж өгөөд, тайзанд өмсөх хувцсыг нь бэлдэж ачааг нь хөнгөлөх хэрэгтэй нь харагдаж байлаа.
Гэхдээ үүнээс илүүтэйгээр тэмцээний туршид Хятадын мисстэй жишигдэж байсан Х.Баярмаад сэтгэлийн дэмжлэг хэрэгтэй байсан юм. Бүтэн сар тэмцээнд бэлдсэн Зимбабвегийн мисс ч, Монголын мисс ч "шүүгчгүй орны тамирчин" гэдэг шиг "дэмжлэггүй орны мисс" гэсэн нийтлэг зовлонтой байлаа. Түүний аав Ц.Хүсэлбаатар "Дараа жилийн миссээ долоохон хоног биш ядаж долоон сар бэлдэхсэн. Х.Баярмаа биш, миний эх орны нэр л гарч байна шүү дээ" гэсэн юм. Олимпийн наадам эргээд ирдэг шиг дараа жилийн миссийн тэмцээн ч ойрхон байна.
Гэхдээ үүнээс илүүтэйгээр тэмцээний туршид Хятадын мисстэй жишигдэж байсан Х.Баярмаад сэтгэлийн дэмжлэг хэрэгтэй байсан юм. Бүтэн сар тэмцээнд бэлдсэн Зимбабвегийн мисс ч, Монголын мисс ч "шүүгчгүй орны тамирчин" гэдэг шиг "дэмжлэггүй орны мисс" гэсэн нийтлэг зовлонтой байлаа. Түүний аав Ц.Хүсэлбаатар "Дараа жилийн миссээ долоохон хоног биш ядаж долоон сар бэлдэхсэн. Х.Баярмаа биш, миний эх орны нэр л гарч байна шүү дээ" гэсэн юм. Олимпийн наадам эргээд ирдэг шиг дараа жилийн миссийн тэмцээн ч ойрхон байна.
Б.Баяр 24tsag.mn
