Монгол Улсын Ерөнхий сайд Н.Алтанхуяг  болон Монгол Улсын Засгийн газрын гишүүд маргааш Хөгжлийн банк, улсын төсвийн санхүүжилтээр Улаанбаатар хотод хэрэгжүүлж байгаа авто замын өргөтгөл, шинэчлэлт, барилгын ажлын явцтай танилцахаар болжээ.
    Монгол Улсын Ерөнхий сайд Н.Алтанхуяг  болон Монгол Улсын Засгийн газрын гишүүд маргааш Хөгжлийн банк, улсын төсвийн санхүүжилтээр Улаанбаатар хотод хэрэгжүүлж байгаа авто замын өргөтгөл, шинэчлэлт, барилгын ажлын явцтай танилцахаар болжээ. Ерөнхий сайдыг дагалдаж, Засгийн газрын гишүүн, Зам тээврийн сайд А.Гансүх, Эдийн засгийн хөгжлийн сайд Н.Батбаяр, Хөгжлийн банкны ТУЗ-ын дарга Б.Батбаяр нар явах юм байна.
    Мөн Нийслэлийн Засаг дарга бөгөөд Улаанбаатар хотын Захирагч Э.Бат-Үүл, Нийслэлийн Засаг даргын Тамгын газрын даргын албан үүргийг түр орлон гүйцэтгэгч Ё.Гэрэлчулуун, Нийслэлийн Засаг дарга Барилга хот байгуулалт, дэд бүтцийн асуудал хариуцсан орлогч Н.Гантөмөр, Улаанбаатар хотын Ерөнхий менежер Ч.Бат нар энэ бүрэлдэхүүнд багтсан аж.  Энэ хөтөлбөрийн хүрээнд  Монгол Улсын Ерөнхий сайд Н.Алтанхуяг  Яармагын гүүрээс Нисэх Яармагийн товчоо хүртлэх 13,7 км авто зам болон Зүүн 4-н замаас Ботаникийн эцсийн буудал хүртлэх 4.1 км авто замын өргөтгөл шинэчлэлтийн ажлын явцтай танилцахаар болсон байна.