"Эрдэнэт”-ийн 49 хувийн гэгддэг хэргийг АТГ-ын Мөрдөн шалгах хэлтэс, ЭЦА-ны Эдийн засгийн гэмт хэрэгтэй тэмцэх газрын хамтарсан ажлын хэсэг нэлээд хугацаанд шалгасны эцэст 150 орчим хавтаст хэргийн материал бүрдүүлсэн. байна. "Эрдэнэт” үйлдвэрийн 49 хувийг ОХУ-ын “Ростех” компаниас худалдаж авсан “Монголын зэс” компани, Худалдаа хөгжлийн банкны удирдлага болох Д.Эрдэнэбилэг, О.Орхон, Ц.Пүрэвтүвшин, М.Мөнхбаатар, Ерөнхий сайд асан Ч.Сайханбилэг, “Кью Эс Си” компанийн захирал Э.Шижир, Зам, тээврийн хөгжлийн сайд, “Монголын төмөр зам” ХК, “Эрдэнэт үйлдвэр”-т эрх бүхий албан тушаал хашиж байсан Д.Ганбат, Монголбанкны ерөнхийлөгч асан Н.Золжаргал, Сангийн сайдаар ажиллаж байсан Б.Болор, Аж үйлдвэрийн сайд асан, УИХ-ын гишүүн Д.Эрдэнэбат нарыг уг хэрэгт эрх мэдэл албан тушаалаа урвуу­лан ашиглаж, хамжигчаар оролцсон гэх үндэслэлээр яллагдагчаар татагдсан юм. Энэ хэрэгт хяналтын прокурор Д.Мөнх-Эрдэнэ, Т.Оргил-Очир нар хяналт тавьж, ийн шүүгч Д.Дарьсүрэн уг хэргийг шүүхээр хавтаст хэрэгтэй танилцсан. Тэгвэл энэ хэргийг шүүх хурал өнөөдөр /2020.5.22/ Сүхбаатар дүүргийн Эрүүгийн хэргийн анхан шатны шүүхэд болжээ. Шүүхийн хэлэлцүүлэг бүтэн 5 цаг гаруй үргэлжилсний эцэст шүүх бүрэлдэхүүн шийдвэрээ гаргахаар зөвшилцөх өрөөнд оржээ. Гэвч шүүгчид хэргийг эцэслэн шийдвэрлэсэнгүй. Харин шүүгч Д.Дарьсүрэн энэ хэргийг шүүхээс татгалзаж байгаагаа мэдэгджээ. Ингэснээр "49"-ийн хэмээх хэрэг тодорхойгүй хугацаагаар сунжирна гэсэн үг.