Гадаад харилцааны яамнаас гадаадад гацсан иргэд болон бусад асуудлаар мэдээлэл хийлээ.

Мэдээллийн эхэнд ГХЯ-ны Консулын газрын дарга Л.Мөнхтүшиг “Өнгөрсөн зургадугаар сард хилийн чанадаас 2500 гаруй иргэнээ татан авсан. Гадаадад байгаа нутаг буцах хүсэлтэй иргэдийг эх орондоо ирэх хүслийг буруугаар ашиглах, буруу мэдээлэл түгээж байна.

ОХУ агаарын хилээ нээж байгаа учраас тус улсаар дамжаад Монгол руу ирж байна гэсэн мэдээллийг тараасны улмаас цөөнгүй хүн холбогдож, зарим нь бүр замдаа гарчихсан байна.

ОХУ нь Турк, Танзани, Их Британи Умард Ирландын Вант улс гэсэн гурван хилээ нээсэн. Харин Монгол Улс багтаагүй. Урд, хойд хоёр хөрш гадаад улсын иргэдийг нэвтрүүлэхгүй хэвээр байгаа. “Ногоон гарц” журам нь тээврийн жолооч, инженер, техникийн ажилчид хамрагдана гэдгийг анхаараарай” гэлээ.

ГХЯ-ны Бодлого, төлөвлөлтийн газрын захирал Ш.Одонбаатар “ГХЯ-аас өнгөрсөн хугацаанд хоёр асуудалд голчлон ажиллалаа. Нэгдүгээрт, коронавирусний үед эдийн засгийг эрчимжүүлэхийн тулд гадаадын хөрөнгө оруулалт татах, харилцан ашигтай хамтын ажиллагаатай байх тал дээр ажиллаж байна.  Хоёрдугаарт, хилийн чанадаас иргэдээ авчрахаар ажиллаж байна. Өнгөрсөн тав хоногийн хугацаад гадаад улсад суугаа Элчин сайд түр хамаарагчтай уулзсан. Мөн гадаадын улс орнуудын Засгийн газарт хандаж Монгол Улсын Засгийн газраас манай улсын иргэдэд тусламж үзүүлэх хүсэлт тавьсан” гэдгийг онцоллоо.

А.Сүх