УОК-ын Шуурхай штабаас цаг үеийн асуудлаар мэдээлэл хийлээ.

Энэ үеэр Цагдаагийн хурандаа Н.Лхагвасайхан “Нийт 48 удаагийн нислэгээр иргэдийг татан авах ажиллагаанд 1824 алба хаагч ажилласан. Цаашид  гадаадын мэргэжилтнийг ажиллуулдаг уул уурхай, бусад салбарт ажилладаг иргэд, зочид ирсэн тохиолдолд халдвар тархахаас хамгаалах боломжтой бүхий л арга хэмжээ авах шаардлагатай байна.

Улсын хэмжээнд тусгаарлагдсан иргэдээс халдвар хамгааллын дэглэм зөрчсөн 519 тохиолдол бүртгэгдлээ. Тодруулбал, Цогт-Өндөрт тусгаарлагдаж байсан дөрвөн иргэн өнгөрсөн долдугаар сарын 18-нд архидан согтуурсан асуудал цагдаагийн байгууллагад бүртгэгдсэн.

Мөн энэ сарын 5-нд Сиэтл-Улаанбаатар чиглэлийн нислэгээр ирсэн иргэн М, Э, Б нар коронавирус илрүүлэх шинжилгээ авах үед өгөхгүй гэж ХӨСҮТ-ийн үйл ажиллаганд саад учруулсан тул цаашид энэ чиглэлийн холбогдох дүрэм, журамд өөрчлөлт оруулах шаардлагатай байгааг харуулж байна. Эдгээр иргэдэд Зөрчлийн тухай хууль болон бусад холбогдох дүрэм, журмын дагуу хариуцлага тооцогдоно" гэлээ. 

А.Сүх