УОК-ын Шуурхай штабаас цаг үеийн асуудлаар мэдээлэл хийлээ.
Энэ үеэр МИАТ компанийн дэд захирал н.Өлзийболд тийзний үнийн талаар мэдээлэл өглөө. Тэрбээр “МИАТ тусгай үүргийн нислэгтэй холбогдуулан тогтмол үнэ барих чиглэл барьж ажиллаж байна. Өнгөрсөн оны хувьд нэг чиглэлд 20 орчим тариф үйлчилсэн. Цаг хугацаанаасаа хамааран урт хугацааны өмнө авсан болон хөнгөлөлттэй авсан тийз хямд үнэтэй бол цагийг нь тулгаад авсан өндөр үнэтэй байдаг. Тухайлбал, Сөүлийн чиглэлд хамгийн бага зардал нь 265 ам.доллар, хамгийн өндөр нь 280 ам.долларын үнэтэй байна. Энэ хооронд 20 орчим төрлийн тариф байгаа гэсэн үг.
Одоо тусгай үүргийн нислэгийн дундаж үнэ 400 орчим ам.доллар байна. Үнийн хувьд яагаад өндөр байна гэхээр энгийн үед мөрддөг тариф нь хоёр талдаа зорчигчтой байдаг. Гэтэл тусгай үүргийн нислэг ихэвчлэн нэг чиглэлийн байгаа учраас үнийн хувьд ингэж өөрчлөгдөж байгаа юм.
Шинэ чиглэлийн хувьд нэг талын зорчигтой, зарим тохиолдолд хоёр дахь чиглэлд цөөн тооны зорчигч явахыг тооцоод тодорхой хэмжээний алдагдлыг МИАТ компани үүрээд ажиллаж байна.
МИАТ компани ашигтай биш алдагдалтай ажиллаж байгааг тооцоогоор гаргасан Тухайлбал, тусгай үүргийн нислэг бүрт 20-30 мянган ам.доллар алдаж байна" гэлээ.
А.Сүх
Сэтгэгдэл (14)