Гадаад харилцааны яамнаас цаг үеийн асуудлаар мэдээлэл хийлээ.

ГХЯ-ны Консулын газрын дарга Л.Мөнхтүшиг “УОК, Засгийн газрын шийдвэрээр хилийн чанадад суугаа иргэдийг эх оронд нь авярах ажлыг тасралтгүй явуулж байна. Энэ сард 17 удаагийн нислэг үйлдэнэ. Нийт 18392 иргэнийг эх оронд нь авчрахад гадаад улсад суугаа Консулын газар идэвх зүтгэлтэй ажилласаар ирсэн.  

Өнөөдрийн байдлаар 53 улсаас 12461 хүн эх орон руугаа буцах хүсэлт гаргаад байна. Нутаг буцах хүсэлтэй иргэдийн мэдээллийг Шадар сайд нээлттэй байршуул гэж үүрэг өгсөн. Энэ дагуу иргэдийн мэдээллийг нээлттэй зарлаж байгаа.

Хоёрдугаарт, иргэдийг эх оронд нь авчрахаас гадна буцах хүсэлтэй иргэд цөөнгүй байна. Тухайлбал, тухайн улсад амьдардаг болон суралцдаг иргэд буцах хүсэлт гаргаж байна. Хилийн чанад руу зорчих 170 орчим өргөдөл ирсний 122 нь БНХАУ-ын иргэнтэй гэр бүл болсон иргэн байна.

Хоёрдугаарт, иргэдийг эх оронд нь авчрахаас гадна буцах хүсэлтэй иргэд цөөнгүй байна. Тухайлбал, тухайн улсад амьдардаг болон суралцдаг иргэд буцах хүсэлт гаргаж байна. Хилийн чанад руу зорчих 170 орчим өргөдөл ирсний 122 нь БНХАУ-ын иргэнтэй гэр бүл болсон иргэн байна. БНХАУ гадаад улс орны иргэдийг хилээр нэвтрүүлэхгүй хэвээр байна. Тиймээс дээрх иргэдийн хүсэлтийг хүмүүнлэгийн шугамаар шийдвэрлэхийг хятадын талтай ярьж байгаа гэдгийг хэлье.

Хилийн чанадад 40 гаруй мянган оюутан суралцдаг. Үүнээс 12 мянга гаруй БНХАУ-д суралдцдаг. Хятадад сургуулиуд хэзээ танхимын сургалтад шилжих талаар зарлаагүй байна. Хэрэв хятадын талын шийдвэр гарвал хил нэвтрүүлэх асужудал албан ёсоор гарна. Тиймээс мэдээлэл гарах хүртэл хүлээцтэй байхыг анхааруулъя.

ОХУ-д манай улсын 3000 гаруй оюутан суралцдаг. Өнгөрсөн хугацаанд 3200 гаруй оюутан эх орондоо ирсэн. Тус улс хичээлийг танхимын сургалтаар зохион явуулахаар төлөвлөж байгаа гэсэн боловч гадаадын оюутан ирж суралцахад тухайн улс ОХУ-тай хилээ нээсэн байх ёстой гэсэн шалгуур тавьж байгаа. ОХУ-тай хилийн зорчих хөдөлгөөнийг зогсоосон. Түүнчлэн тус улсад халдварын нөхцөл байдал намжаагүй байгаа учраас аюулгүй байдлыг хангах үүднээс зорчих шаардлага үүсээгүй гэж үзэж байна. Тиймээс тодорхой шийд гарсны дараа оюутнуудад мэдээлэл хүргэнэ" гэлээ.

А.Сүх