“Нийслэлийн орон сууцны корпораци” нь хамтын ажиллагааны хүрээнд Азийн хөгжлийн банк, Европын сэргээн босголтын банк, Олон улсын санхүүгийн корпораци, Уур амьсгалын ногоон сан, Өндөр технологийн сан санхүүжилттэйгээр олон улсын байгууллагуудтай хамтран ажиллаж орон сууцны бүтээн байгуулалтад нийт 250 сая ам.долларын хөрөнгө оруулалтыг бий болгон ажиллаж байна. Дээрх хамтын ажиллагааны хүрээнд “Улаанбаатар хотын орлогод нийцсэн ногоон орон сууц ба дасан зохицох чадвар бүхий хотын шинэчлэл салбарын төсөл”-ийг амжилттай хэрэгжүүлэн ажиллаж байна. Тус төслийн хүрээнд гэр хорооллын бүсийн 100 га талбайд орлогод нийцсэн ногоон орон сууцны төслийн бүтээн байгуулалтын ажил хийгдэх юм. 
“НОСК” ХК-ийн дэд захирал С.Дорждэрэм, “Хас банк”-ний Гүйцэтгэх захирал Г.Цэвэгжав нар харилцан ойлголцлын санамж бичигт гарын үсэг зурлаа. 
Санамж бичгийн хүрээнд Иргэдийн орлогод нийцсэн ногоон орон сууцны төслийг үе шаттайгаар хамтран хэрэгжүүлэх, Ногоон орон сууцны төслийн хувьд эрх бүхий байгууллагаас олгогдох татаасын механизмыг боловсруулах, хэрэгжүүлэхэд харилцан дэмжлэг үзүүлэн ажиллах, Гэр хороолол болон дэд төвүүдэд амьдарч буй өрхийн хүлэмжийн хийг бууруулах зорилгоор олгогдох бизнесийн зээл, агаар орчны бохирдлыг бууруулахад чиглэсэн зээл, хөтөлбөрт хамруулах ажлыг хамтран зохион байгуулан ажиллах юм. 
Арга хэмжээний үеэр гэр хорооллын бүсэд шинэ дэд төвүүд болон шинэ суурьшлын бүсүүдийг бий болгон газрыг орон сууцаар солих зарчмаар гэр хорооллын бүсэд амьдарч буй иргэдийг сайн дурын газар чөлөөлөлтийн зарчмаар газруудыг дахин төлөвлөн, газрыг шинэчлэн зохион байгуулалтанд оруулах “ОРЛОГОД НИЙЦСЭН НОГООН ОРОН СУУЦНЫ хотхон, хороололуудыг бий болгох юм. Ингэхдээ хэрэв иргэд сайн дурын газар чөлөөлтөнд хамрагдах хүсэлгүй, орон сууцанд орохгүй хашаандаа амьдрах хүсэлтэй байгаа бол иргэдийн хашаа болон байшинг хэсэгчилсэн ерөнхий төлөвлөгөөнд уялдуулан инженерийн дэд бүтцийн асуудал болон байшинг хотын дүр төрхөд нийцүүлэн барихад дэмжлэг үзүүлэх юм. Энэхүү айл өрхүүдэд санхүүгийн дэмжлэг үзүүлэх ажлыг “Хас банк”-тай хамтран судалж, улмаар хашаандаа амьдрах хүсэлтэй иргэдийг хамруулах боломжтой болно. 
 Дээрх төсөл хэрэгжсэнээр инженерийн дэд бүтцийг цогцоор нь шийдвэрлэсэн, барилга байгууламжид сэргээгдэх эрчим хүчнийг ашиглах шинэлэг шийдлүүдийг нэвтрүүлж агаар, хөрсний бохирдлыг багасгах, бага, дунд орлоготой иргэдэд зориулагдсан түрээсийн орон сууцны тогтолцоо бий болох ногоон байгууламж, сургууль цэцэрлэг нь хүртээмжтэй, үйлдвэрлэл инновацийг хөгжүүлэн шинээр ажлын байруудыг бий болгосон, төрийн үйлчилгээг дэргэдээсээ авах боломжтой цогц бүтээн байгуулалтыг бий болгох зорилго тавин ажиллаж байна гэдгээ “НОСК” ХК-ийн удирдлагууд онцоллоо.