Манай улс 2025 он гэхэд хос бичигтэй болох зорилт тусгасан. Уг зорилтын дагуу төрийн албан хаагчдын монгол бичгийн мэдлэгийн түвшинг тогтоохоор болжээ.

Бүх нийтээрээ хос бичигтэй болох зорилт нь өвөг дээдсийнхээ үлдээсэн түүх, ёс заншлыг ойлгох, үндэсний дархлаагаа сэргээх чухал ач холбогдолтой.

Энэ хүрээнд Хэлний бодлогын зөвлөл, Үндэсний статистикийн хорооноос төрийн албан хэргийг монгол бичгээр хөтлөн явуулах боломжтой алба хаагчдын судалгааг гаргахаар болжээ.

Судалгааг орон нутгийн сонгуулийн дараа явуулах бөгөөд төрийн алба хаагчдыг шалгасны дараа нийт иргэдийн мэдлэгийн түвшинг тогтоох ажлыг эхлүүлэхээр бэлтгэж байгаа аж.

А.Сүх