Эрүүл мэндийн яамнаас ээлжит мэдээллээ хийлээ.

ХӨСҮТ-ийн Тандалт, судалгааны албаны дарга А.Амбасэлмаа "Энэ сарын 1-нд нийт 484 хүний сорьцод шинжилгээ хийлээ. Шинжилгээгээр хоёр хүнээс коронавирус илэрлээ. Эдгээр нь наймдугаар сарын 30-нд Нурсултанаас ирсэн 59 настай эмэгтэй, 45 настай эрэгтэй байна. 

Шинжилгээг задалж хэлбэл, наймдугаар сарын 14-нд Сөүлээс ирсэн 267 хүний давтан, тусгаарлах байранд байгаа есөн иргэний давтан, Дорноговь аймагт тусгаарлагдсан 75 хүний давтан, Алтанбулагийн боомтоор орж ирсэн ачаа тээврийн 29 жолоочийн шинжилгээг хийсэн. 

Мөн өнөөдөр нэг хүн эдгэрч дараагийн шатны ажиглалт руу шинжиллээ. Манай улсад зөөвөрлөгдөн орж ирсэн халдварын 306 тохиолдол байна. Үүнээс 296 нь эдгэрсэн" гэлээ. 

А.Сүх