Нийслэлчүүд сар гаруй хугацааны дараа шинэ даргатай болно. Үндсэндээ ямар даргатай болохоос шалтгаалан ирэх дөрвөн жилийн хотын өнгө тодорхойлогдоно гэсэн үг. Хотын дарга МАН-аас уу, АН-аас уу эсвэл МАХН, ШИНЭН-гийнх уу гэдгийг Тэргүүлэгчид тодруулна. Тэргүүлэгчдийг иргэд сонгоно. Тэгэхээр хотын ирэх дөрвөн жилийн ирээдүй иргэдийн сонголтоос хамаарах нь.

Хотын дараагийн дарга хэн бэ. Иргэдийн зүгээс хотын даргад сонгогдоосой гэсэн хэд хэдэн хүнийг хотын даргад нэр дэвшүүлж, санал хураажээ. Уг санал хураалтад  НИТХ-ын төлөөлөгч С.Мөнхчулуун, нийслэл дэх МАХН-ын дарга Э.Эрдэнэжамъян, хотын даргын түр орлон гүйцэтгэгч Ж.Батбаясгалан нарыг өрсөлдүүлснээс НИТХ-ын төлөөлөгч С.Мөнхчулуун тэргүүлж.

НИТХ-ын төлөөлөгч С.Мөнхчулуун гэж хэн бэ. Сонгинохайрхан дүүргийн Засаг даргаар ажиллаж байгаад НИТХ-ын төлөөлөгчөөр сонгогдсон. 2016 оны арванхоёрдугаар сараас 2018 оны арванхоёрдугаар сар хүртэл НИТХ дахь МАН-ын бүлгийн даргаар ажиллаж байсан нэгэн. Өнгөрсөн онд хотын даргын сунгаанд С.Амарсайхантай хүч үзэж, чамгүй өрсөлдөгч гэдгээ батлан харуулсан түүнийг дараагийн хотын даргад сонгогдох өндөр магадлалтай хүн гэж нэрлэжээ. Энэ бол зөвхөн иргэдийн түүнд өгсөн санал юм.

Дараагийн сонгогдох магадлал өндөр дараагийн хүн бол хотын даргын үүргийг түр орлон гүйцэтгэгч Ж.Батбаясгалан. 2016 онд МАН-аас НИТХ-ын сонгуульд нэр дэвшин ялалт байгуулж, төлөөлөгчөөр сонгогдсон. Улмаар С.Амарсайханыг засаглах үед орлогчоор нь томилогдон ажиллаж байсан. УИХ-ын Тамгын газраас ажлын гараагаа эхлүүлж гишүүний бие төлөөлөгч, Шүүхийн Сахилгын хорооны гишүүн​, Ерөнхийлөгчийн дэргэдэх Шашны зөвлөлийн гишүүн, НИТХ дахь МАН-ын бүлгийн ажлын албаны даргын албан тушаалыг хашиж байсан туршлагатай.

Харин 2012 онд хамтарсан Засгийн газар байгуулагдахад Хууль зүй, дотоод хэргийн дэд сайдаар ажиллаж байсан. МАХН-ын дэд дарга,  Ерөнхий нарийн бичгийн дарга,  Орхон аймгийн МАХН-ын Түмтийн даргын албыг хашиж байсан. Одоо нийслэл дэх МАХН-ын даргаар ажиллаж байна. Тэрбээр 2018 онд хэвлэлд өгсөн ярилцлагадаа “2020 онд хотын даргаар сонгогдоно” гэж ярьж байсан удаатай. Энэ удаад орон нутгийн ээлжит сонгуулиар МАХН, АН болон ШИНЭН-тэй хамтарч МАН-ын эсрэг ажиллахаа мэдэгдсэн. Э.Эрдэнэжамъянын хувьд НИТХ-ын төлөөлөгчөөр сонгогдох нь ойлгомжтой болсон бөгөөд аль тойрогт нэр дэвших нь тодорхойгүй байна.  

Б.Лхам