Засгийн газрын хуралдаанаар ЦЕГ-ын даргад тус газрын дэд дарга, цагдаагийн хурандаа Ж.Болдыг томилсон билээ. Өнгөрсөн долоодугаар сард томилогдон ажлаа авсан тэрбээр багаа бүрдүүлж эхэлсэн. Харин өнөөг хүртэл томилгоо, халаа сэлгээ үргэлжилсээр байна. ЦЕГ-ын дарга, хурандаа Ж.Болд тушаал гаргаж, алба, газар, хэлтсийн дарга, дэд дарга нарыг сэлгүүлэн болон шинээр томиллоо.

Үүнд, Өмнөговь аймгийн Цагдаагийн газрын дарга, хурандаа О.Амарсанааг Экологийн цагдаагийн албаны даргаар, Эрүүгийн цагдаагийн албаны даргаар дэд даргаар нь ажиллаж байсан хурандаа Т.Сүхболдыг, Мөрдөн байцаах албаны даргад Сонгинохайрхан дүүргийн цагдаагийн газрын дарга, хурандаа Б.Батсуурийг, ЦЕГ-ын Санхүү, аж ахуйн албаны даргаар ДХИС-ийн Удирдлагын академийн захирал, хурандаа П.Батбаатар, Мэдээлэл, дүн шинжилгээ, шуурхай удирдлагын албаны даргаар хурандаа Ж.Буянбат нарыг тус тус томилсон байна.  

Мөн Налайх дүүрэг дэх Цагдаагийн хэлтсийн даргаар хошууч Г.Жанчивдоржийг, Өмнөговь аймаг дахь Цагдаагийн газрын даргаар Увс аймгийн цагдаагийн газрын Захиргаа, удирдлагын хэлтсийн даргаар ажиллаж байсан дэд хурандаа Н.Мишигдоржийг томилж, хурандаа цол олгожээ.