Дархан-Уул аймгийн Дархан сумын 13 дугаар багийн нутаг дэвсгэр Их сургуулийн гудамж дахь Оюутны хотхоны байранд бага насны гурван хүүхэд цаг бусаар амиа алдсан хэрэг өнгөрсөн хоёрдугаар сард гарсан.

Тэгвэл гурван үрээ алдсан Г.Чинбатын гэр бүл гэрээ цэцэрлэг болгон тохижуулж, цэцэрлэггүй үлдсэн хүүхдүүдийг харж байгаа аж. Тодруулбал, УОК-ын шийдвэрээр цар тахлын онцгой нөхцөлд хоёр настай хүүхдүүдийг улсын цэцэрлэгт хамруулахгүй байх шийдвэр гаргасан. Уг шийдвэрийн улмаас хоёр настнууд гэртээ цоожлогдох эсвэл ээж, аавын нэг нь гэртээ сууж хүүхдээ харах асуудал үүсээд буй.

Цаг бусаар үрсээ алдсан хосуудын хувьд гэртээ ганцаараа үлдэж буй хүүхдүүдийг харж, тэднийг аливаа эрсдэл, аюулаас хамгаалахаар шийдсэн нь энэ. Гэрээ цэцэрлэг болгон тохижуулахад иргэд тусалж, хандив өргөжээ.