Агаарын бохирдлыг бууруулах дэд хорооноос "Агаарын бохирдлын эх үүсвэр, түүнийг хэрхэн бууруулах талаар авч хэрэгжүүлж буй арга хэмжээ"-ний талаар холбогдох байгууллагуудын мэдээллийг сонсож байна.

Энэ үеэр НМХГ-ын дэд дарга С.Даваасүрэн “Засгийн газрын 62 дугаар тогтоолын хүрээнд шалган нэвтрүүлэх товчоод, Тавантолгой түлш компанийн үйлдвэр, уурын зуухуудад хяналт тавин ажиллаж байна.

Товчоодод нийт 32 улсын байцаагч 24 цагаар хяналт тавин ажиллаж байна. Энэ сарын 1-ний байдлаар “Тавантолгой түлш” ХХК-ийн дөрвөн шугам ажиллаж байна. Цаашид 12 шугамаар ажиллуулахаар байна. Түлшний хувьд лабораторийн дүгнэлтээр чийглэг, үнслэг, дэгдэмхий бодис стандартын шаардлага хангасан гэсэн дүгнэлт гарсан.

Энэ онд 38 агуулах үйл ажиллагаа явуулна. Одоогийн байдлаар 48 мянга гаруй тонн шахмал түлшний нөөц байна. Орчны температур хэт өндөр, чийглэг их байгаа талаар зөвлөмж өгч, зөрчлийг арилгуулах ажил хийгдэж байна.

Халаалтын зуух ашиглах зөвшөөрөлтэй аж ахуйн нэгжүүдэд хийсэн шалгалтаар “Түмэн шувуут” ХК зэрэг гурван газарт хэрэг үүсгэж 7.9 сая төгрөгөөр торгож ажилласан. Хяналт шалгалтаар утаа шүүчгийн бүрэн бүтэн байдал зэрэгт хяналт тавьсан.

А.Сүх