Гаднын иргэдийг хяналт, шалгалтгүйгээр хил нэвтрүүлсэн гэх асуудлаар цагдаа, онцгой, байдлын газраас мэдээлэл хийлээ.
Хил хамгаалах ерөнхий газрын дарга Ж.Бямбасүрэн “Улсын хил тайван, халдашгүй дархан байна. Хилийн асуудлаар байгуулсан олон улсын гэрээ хэлэлцээрүүд бүрэн хэрэгжиж, хил хамгаалах байгууллага хуулиар хүлээсэн үүргээ хэрэгжүүлж байна. Улсын хилээр зорчигчийг УОК, Засгийн газрын шийдвэрээр шалгаж, нэвтрүүлж байна.
Хил хамгаалах байгууллага хяналт, шалгалтыг дутуу хийсэн, иргэдийг бөөнөөр нь нэвтрүүлсэн мэдээлэл гаргаж хилчдийг гүтгэж байна.
Хил хамгаалах байгууллага, хилчид хуулиар хүлээсэн үүргээ бүрэн хэрэгжүүлж ажиллаж байна. Хилчдийн үйл ажиллагааг харлуулж байгаа энэ асуудлыг хууль хяналтын байгууллагад мэдэгдэж, шалгуулах ажиллагааг эхлүүлж байна.
Улсын хилээр олон улсын ачаа тээврийн жолооч, дипломат ажилчид, тэдгээрийн гэр бүл, улс орны бүтээн байгуулалтад оролцож буй инженер техникийн ажилчдыг Засгийн газрын шийдвэрээр нэвтрүлж байгаа” гэлээ.
ЦЕГ-ын дарга, хурандаа Ж.Болд “Цагдаагийн байгууллага УОК-ын шийдвэрээр харуул хамгаалалтын үйл ажиллагаа хэрэгжүүлж байна. Энэ хугацаанд хууль зөрчигдсөн асуудал гараагүй. Тиймээс олон нийтийн сүлжээгээр худал мэдээлэл өгөх, зориудаар ийм мэдээлэл гаргаж байгаа талаар гомдол ирж байна. Энэ талаар цагдаагийн байгууллага шалгалт явуулна” гэлээ.
А.Сүх
Сэтгэгдэл (2)