Эрүүл мэндийн яамнаас коронавирусийн талаарх ээлжит мэдээллээ хийлээ. ХӨСҮТ-ийн дарга Д.Нямхүү "Аравдугаар сарын 5, 6-ны өдрүүдэд ХӨСҮТ-ийн вирус судлалын хоёр, Дархан-Уул аймгийн салбар лабораторид нийтдээ  1281 хүний сорьцод шинжилгээ хийлээ. Үүнээс 1280 хүний сорьцод коронавирус илрээгүй. Харин нэг хүний сорьцод коронавирус илэрлээ. 2020 оны аравдугаар сарын 4-ний өдөр Алтанбулагийн боомтоор орж ирсэн ОХУ-ын иргэн 36 настай эрэгтэйгээс вирус илэрсэн. Энэ хүн ачааны машины жолооч. 

Өнөөдөр нэг хүн эдгэрч, ХӨСҮТ-өөс гарч, дараагийн сувилалд шилжлээ. Ингэснээр Монгол Улсад батлагдсан тохиолдол 315, үүнээс эдгэрсэн нь 308.  Эдгэрэлтийн хувь 98. Тандалт нь дууссан 294 хүн байгаа. Харин гэрийн ажиглалтад 4, сувилалд 10 хүн байна. Харин ХӨСҮТ-д 7 хүн эмчлүүлж байгаа. Аравдугаар сарын 1-10-ны хооронд улирлын томуугийн вакциныг албан ёсоор хийж байна. Иргэд вакцинд хамрагдахад онцгой анхаарах хэрэгтэй" гэдгийг мэдээллээ.