Сонгуулийн ерөнхий хорооноос орон нутгийн сонгуультай холбоотой асуудлаар мэдээлэл хийлээ.

СЕХ-н дарга П.Дэлгэрнаран “Орон нутгийн ээлжит сонгууль маргааш болоход бэлэн боллоо. Санал хураалт 7-20 цуаг хүртэл. Ээлжиь сонгуулийн бэлтгэл ажлыг бүрэн хангалаа. Үүнтэй холбогдуулан 21400 төрийн албан хаагчид бүх шатны сонгуулийн хороодод ажиллаж байна. Засгийн газраас баталсан цар тахлын журмын хүрээнд сонгуулийг онцгой горимоор зохион явуулна.

2148 хэсгийн хороонд санал тоолох төхөөрөмжийг хүргүүлсэн. Энэ удаагийн сонгууль санал хураах хугацааа богино. Ирцийн босго тавиагүй. Байгаль цаг уурын нөхцөл таатай биш байгаа ч сонгуулийн бэлтгэл ажлыг амжилттай зохион байгууллаа.

Санал хураалтыг ил тод, эмх цэгцтэй, хуульд заагдсан хүрээнд үйл ажиллагаа явуулна. Санал хураалтын дүнгийн урьдчилсан дүн оройдоо гарна. Санал хураалтын дараа гар тооллогыг хуульд заасан хугацаагаар хийнэ. Тооллогыг тухайн хэсэгт байгаа нам эвслийн ажиглагчдын саналаар ил тод тоолно. Нууж хаах зүйл байхгүй. Дүнг мэдээлэхдээ дэлгэцээр явуулах боломж хомс. Автоматжуулсан систем хэрэглэж байгаа учраас аль болох ил тод, шуурхай ажиллана.

Сонгуульд 8000 мандат дээр 17000 гаруй нэр дэвшигчид өрсөлдөнө.

Онцгой дэглэм үйлчилж байгаа энэ үед ариутгал, халдваргүйжүүлэлтийн бүхий л арга хэмжээг авна. Цагдаа, тагнуул, онцгой байдлын алба хаагчид мөн ажиллана. Өнөөдөр зөөврийн битүүмжилсэн хайрцагаар санал хураалт эхэлсэн” гэлээ.

Б.Лхам