Орон нутгийн сонгууль болох гэж байгаатай холбогдуулан гурван өдөр буюу аравдугаар сарын 14-16-ны өдрүүдэд архи согтууруулах ундаа худалдах, түүгээр үйлчлэхийг хориглосон.

Хэрэв эдгээр өдөрт согтууруулах ундаа худалдан борлуулсан, үйлчилсэн тохиолдолд 10-100 сая төгрөгөөр торгох юм байна. Зөрчлийн тухай хуулийн 17.1 зааснаар Сонгуулийн санал авах өдөр согтууруулах ундаагаар үйлчилсэн, худалдан борлуулсан, олон нийтийг хамарсан арга хэмжээ зохион байгуулсан, гадаа болон битүү талбайд худалдаа, үйлчилгээний төв ажиллуулсан бол хүнийг арван мянган /10 сая/ нэгжтэй тэнцэх хэмжээний төгрөгөөр, хуулийн этгээдийг нэг зуун мянган /100 сая/ нэгжтэй тэнцэх хэмжээний төгрөгөөр торгоно гэж заасан аж.

Иймд иргэд, сонгогчид та бүхэн дээрх өдрүүдэд Монгол Улсын хууль тогтоомж, захирамжийг мөрдөж ажиллахыг цагдаагийн байгууллагаас анхааруулж, хууль тогтоомж зөрчвөл Монгол Улсын Зөрчлийн тухай хуулийн 17.1 дүгээр зүйлийн 34 дэх хэсэгт заасан арга хэмжээг тооцохыг санууллаа.