ШӨХТГ-ын дарга Б.Бат-Эрдэнэ "Лантуун дохио" ТББ-аас санаачлан байгуулсан “Ид шидийн орон-2”-ын шидэт кафед саатжээ.
Тэрбээр Тавантолгойн ТУЗ-д сонгогдон ажиллахаар болсон бөгөөд энэ байгууллагаас авах цалингаа "Ид шидийн орон"-д сар бүр хандивлахаар болсон гэдгийг ТББ-ын тэргүүн Ч.Ганжавхлан дуулгалаа. Мөн “хүүхэд” хэмээх хэрэглэгчийн эрхийг хамгаалах чиглэлээр хамтран ажиллах саналууд ч гаргасан байна. Ч.Ганжавхлан цахим хуудаснаа энэ тухай, ШӨХТГ-ын дарга Бат-Өлзийн Бат-Эрдэнэ хамт олныхоо хамт ирж манай шидэт кафед кофе ууж, өглөөг эхлүүллээ.
Эхний мэдээ бол Бат-Эрдэнэ дарга Тавантолгойн ТУЗ-д сонгогдон ажиллахаар болж, тэндээс авах цалингаа сар бүр Ид шидийн орон төв руу шууд хандивлах шийдвэр гаргалаа. Тэр цалингаар нь бид Ид шидийн орон дээрээ дугуйлан, сургалт нээхээр болж, багш нарын цалинг даагаад явж болох юм гэж үзэв.
Эдийн засаг амьдрал хүнд байгаа энэ үед давхар цалин аваад суух биш хүүхдүүдэд нэг хөөрхөн сургалт нээчихэж байгаа нь ШИНЭ ХАНДЛАГА юм, маш их баярлалаа.
Түүнээс гадна хүүхэд хамгааллын чиглэлд ХҮҮХЭД хэмээх хэрэглэгчийн эрхийг зөрчиж байгаа олон асуудлыг ярилцаж, хамтарч ажиллах саналууд гаргав. Жишээ нь, манайд 21-ээс доош насныханд согтууруулах ундаа худалдаалахгүй хууль журамтай хэрнээ гэр хороололд хамаа замбаараагүй зардаг, 13 настай охин “Очир” төвд амиа алдахад алуурчин ялаа авсан ч тэр буудлын эзэн хангалттай хариуцлага хүлээгээгүй гэх мэт асуудлууд ...
Шударга бус зүйлийг хамтдаа зогсооцгооё ! Амжилт" хэмээн хуваалцжээ.
Ямартай ч , ШӨХТГ-ын даргын үйлдлүүд сонирхол татсаар.
У.Тэргэл
Сэтгэгдэл (5)