Фитнессийн төлбөрөө улсаар төлүүлсэн гэх Хадгаламжийн даатгалын корпорацийн захирал Х.Бум-Эрдэнийн талаарх мэдээлэл цахим орчинд олон хүний бухимдлыг төрүүлээд байна. Х.Бум-Эрдэнэтэй холбоотой энэхүү мэдээллийг “Шилэн Цогоо” хэмээн алдаршсан Б.Цогтгэрэл өөрийн цахим хуудасаараа дамжуулан олон нийтэд мэдээлсэн юм.

Түүний дэлгэсэн баримтаар үзэхэд, Хадгаламжийн даатгалын корпорацийн захирал Х.Бум-Эрдэнэ 14.8 сая төгрөгөөр 53 удаа спорт заал авч тоглох гэрээ байгуулжээ. Мөн 500 сая орчим төгрөгийн орон сууцны дэмжлэг олгосон бөгөөд тэр дундаа өөрөө 45 сая төгрөгийг нь авчээ. Мөн SHANGRILA SPORT CENTER ийн YOGA өрөөг нэг сараар авахдаа 30 сая төгрөгийн төлбөрийг байгууллагаараа гаргуулсан байна. Мөн 100 мянган төгрөгийн membership картныхаа үнийг хүртэл төлүүлсэн байх аж.

Үүгээр ч зогсохгүй тэрбээр "Интермэд" эмнэлэгт 10.500.000 төгрөгөөр урьдчилан сэргийлэх шинжилгээ өгсөн байна.  

Хадгаламжийн даатгалын корпорацийн захирал Х.Бум-Эрдэнийн гарын үсэг бүхий эдгээр баримтууд нь ил болж, олон нийтийн бухимдлыг төрүүлээд байгаа юм.

Б.Баатар