Чоно үүрэндээ өлзийтэй гэгч явдал цагдаагийн байгууллагад тохиогоод байна. ЦЕГ-ын Хар тамхитай тэмцэх газрын Мөрдөн шалгах хэлтсийн дарга, дэд хурандаа Ж.Батмөнх гэгч байгууллагынхаа дотоод мэдээллийг ашиглан “Та нарыг шалгах гэж байна. Би аргалж өгье. Төдөн төгрөг” хэмээн улайм цайм авлига нэхдэг байжээ.
Тэрбээр бусдаас хэд хэдэн удаагийн үйлдлээр 30-40 сая төгрөгийг авлигад авсныг АТГ-ын Мөрдөн шалгах хэлтсийнхэн шалгаж эхлээд буй.
Хурандаа Ж.Батмөнх нь албан тушаалаа аваад удаагүй байхдаа бусдаас авлига нэхэхийг бодвол “цайрсан” нэгэн бололтой. Өмнө нь ч тэрбээр Мөрдөн байцаах албаны Залилах гэмт хэрэг мөрдөх хэлтсийн даргаар ажиллаж байхдаа “Нарны хүү, сарны охин” хэмээх олон хүнийг залилсан компанийн талд илт үйлчилж, хохирогчдыг дарамталж байжээ.
Энэ нь цаана нь том ашиг сонирхол байгааг харуулж байгаа юм. Залилах болон Хар тамхитай тэмцэх газар, хэлтсийн даргад ийм хүнийг томилж буй нь тус газарт боловсон хүчний чанар, чансаа ямархан хэмжээнд байгааг, цагдаагийн цол, хэргэм өнгө, мөнгөнийх болсон гэдгийг ч харж болохоор байна.
У.Тэргэл
Сэтгэгдэл (19)