ХХААХҮЯ-наас нийслэлийн хэмжээнд 20 мянган тонн мах бэлтгэх үүргийг Улаанбаатар хотын Захирагчийн албанд ирүүлж, ажлыг наймдугаар сарын 1-нээс эхлүүлсэн байна.

Мөн арилжааны банкны эх үүсвэрээр нийслэлийн хүн амын 2020-2021 оны өвөл, хаврын улирлын махны хэрэгцээнд зориулан мах бэлтгэн нийлүүлж, худалдахаар нийт 22 аж ахуйн нэгж хүсэлтээ ирүүлсний 18-тай нь 118608  тонн мах бэлтгэх гэрээ байгуулжээ.

Гэхдээ энэ нь яамнаас өгсөн хэмжээнд хүрэхгүй байгаа учраас   дахин сонгон шалгаруулалт зарлаж, ирэх сарын 4-нийг хүртэл нөөцийн махыг бэлтгэж дуусах төлөвлөгөөтэй байгаа аж.

Мөн мах бэлтгэж байгаа аж ахуйн нэгжүүд арванхоёрдугаар сарын 1-ний дотор стандартын шаардлага хангасан агуулахтай болох, махаа бүрэн нөөцлөх, хөдөө орон нутгаас мах бэлтгэх иргэд нийслэлд махаа авчирсан байхаар зохицуулжээ.

Өнөөдрийн байдлаар хүнсний 371  дэлгүүрийн судалгааг гаргаж, хуваарилалтыг хийсэн ба нийт 400 гаруй цэгээр нөөцийн махыг худалдаалах юм байна.  Өнгөрсөн жилийн нөөцийн мах нэг килограмм нь төрлөөсаа хамаарч 5000, 5500, 7700 төгрөгөөр зарж байсан. Энэ жилийн хувьд ч  махны үнийг нэмэхгүй байхаар тогтжээ.

У.Тэргэл