Цахилгааны төлбөр тэглэсэн шийдвэр гарснаас хойш хэдхэн цагийн дараа оргил үеийн ачааллын хэрэглээ эрс өсчээ. Сонгинохайрхан дүүргийн гэр хороололд гэхэд л өчигдөр орой трансформатор буудан хэсэг айл өрх тоггүй болсон байна. Цахилгаан түгээх төвийн засварчид шөнөжингөө ажиллан хэвийн болгосон ч цаашид хэрэглээ хэтэрвэл дахин ийм явдал давтагдаж болзошгүй байгаа аж. Тиймээс иргэдийг цахилгааны хэрэглээгээ нэмэхгүй байхыг хүсч, хэт их ачаалал өгвөл нийтээрээ ч тоггүй болж мэдэх эрсдэл байгаа тул хаа хаанаа ухамсартай хандахыг холбогдох байгууллагаас сануулж байна.