Цахилгааны төлбөрийг төрөөс даах шийдвэр гарсан даруйд цахилгааны хэрэглээ огцом өссөн талаар албанхан мэдээлсэн. Тэгвэл өнөөдрийн байдлаар орон сууцны хэрэглэгчдийн ачаалал өмнөх өдрүүдээс нэмэгдсэн бол гэр хорооллын ачаалал буурсан талаар Эрчим хүч хэмнэлтийн газрын дарга Ц.Атаржаргал мэдээллээ. Тэрбээр "2020 оны арванхоёрдугаар сарн 17-ны байдлаар манай улсын эрчим хүчний системийн хамгийн оргил ачаалал 1280 мв хүрсэн. Харин хоногийн хамгийн бага ачаалал 926 мв байлаа. Энэ ачааллыг хаахын тулд ОХУ-аас импортоор 174 мв-ыг авч хэрэглээний өсөлтийг хаасан. Энэ нь өмнөх оны мөн үетэй харьцуулахад 110 хувиар их үзүүлэлт юм.

Гэхдээ ачаалал өмнөх өдрөөсөө 28 мвт-аар буурсан байна. Импортын чадал мөн 78 мвт-аар буурсан" гэлээ. 

Б.Бат