Баянзүрх дүүргийн Засаг дарга Н.Баярмөнхөөс нөхцөл байдлын талаар  тодрууллаа.

-Дүүргийн нэгдсэн эмнэлэгт байдал ямар байна вэ. Ямар арга хэмжээ авч эхлээд байна?

-Өнөөдрийн байдлаар дүүргийн эмнэлгийг бүрэн хамгаалалтад авч, 449 хүнийг хөл хорионд оруулаад байна. Үүнд, эмнэлгийн ажилтан 142, эмчлүүлж байсан өвчтөн 220, мөн 60 хүүхэд байна. Бид эмнэлгийн үйлчилгээ авах насанд хүрсэн иргэдээ Энэрэл эмнэлэг рүү, харин хүүхдүүдийг Сүхбаатар дүүргийн нэгдсэн эмнэлэг рүү явуулж байгаа.

-Эмнэлгийг бүрэн хамгаалалтад авсан гэхээр нэн шаардлагатай эм тариа, хүнсний бүтээгдэхүүн зэргийг хэрхэн шийдэж байгаа вэ

-Дүүргийн онцгой комисс хуралдаад хүнсний бүтээгдэхүүн, хүүхдийн памперс зэрэг иргэдэд нэн шаардлагатай эд зүйлсийг худалдан авах хөрөнгийг Засаг даргын нөөц хөрөнгөөс гарган  ажлаа эхлүүлээд байна.

У.Тэргэл